Timkat

Timkat-feiring i Gonder

Timkat (amharisk ጥምቀት, [t’ɨmk’ət], 'dåp') er ei høgtid innan den etiopiske ortodokse kyrkja til minne om at Jesus blei døypt av Johannes døyparen i Jordanelva. Ho blir feira den 10. terr i den etiopiske kalenderen, noko som tilsvarer 19. januar i den gregorianske (20. januar i skotår). Vatn speler ei viktig rolle i feiringa.

Under timkat går prestar frå kvar kyrkje i prosesjon med ein modell av Arken. Modellen, som blir kalla tabot, er hylla inn i silkestoff og blir boren på hovudet av ein prest medan andre går rundt med parasollar. Prosesjonen går til eit vatn der taboten blir senka ned. Vatnet blir så signa og dusja over tilskodarane i ei fornying av dåpen. Deretter går eit syngande og dansande tog tilbake til kyrkja med taboten.

• 
  Timkatprosesjon i Gondar.
• 
  Prest med tabot i Gondar.
• 
  Timkatopptog i Addis Abeba.

Bakgrunnsstoff

• Donald N. Levine: Wax & Gold. Tradition and Innovation in Ethiopian Culture. University of Chicago Press, Chicago IL u. a. 1965, S. 63.

• Bloggpost om «Høytiden TIMKAT», Empress Yeshimebet - Give Thanks For Life, blogg.no

Kjelder

• Terje Østgård, «Dåpens betydning» (PDF-fil), BA, 29. januar 2010
• «Festivaler – religiøse og fargerike Etiopia», opplevetiopia.no