Tatarstan

Tatarstan
Татарстан Татария
republikk
Flagg Symbol
Nasjonalsong: Tatarstans hymne
Land	Russland
Del av	Europeisk Russland, Den volgiske føderasjonskrets
Hovudstad	Kazan
Areal	67 847 km²
Folketal	3 894 120 (1. januar 2021)
Språk	russisk, tatarsk
Tidssone	UTC +3 (MSK)
Bilnummer	16
Tatarstan 55.55°N 50.933333333333°E / 55.55; 50.933333333333
Kart over Tatarstan. Kart over Tatarstan.
Wikimedia Commons: Tatarstan

Tatarstan er ein republikk i Russland, og eit av dei russiske føderasjonssubjekta. I 2021 hadde republikken 3 894 120 innbyggjarar. Hovudstaden er Kazan, og sidan 2010 har Rustam Minnikhanov vore president.

Geografi

Tatarstan ligg på den aust-europeiske sletta, om lag 800 kilometer aust for Moskva. Elvene Volga og Kama møtest her. Andre store elver er Belaja og Vjatka, som begge renn ut i Kama. Republikken strekkjer seg 290 kilometer frå nord til sør, og 460 kilometer frå aust til vest. Han er 67 836 km², og er omtrent like stor som Innlandet og Buskerud til saman. Landskapet er hovudsakleg flatt, med nokre låge høgdedrag. 90 % av arealet ligg under 200 meter over havet. Omtrent 16 % er skogkledd.

Klimaet er kontinentalt, middeltemperaturen er –14 grader celsius i januar og 19 grader celsius i juli.

Republikken har store oljeressursar.

Folkesetnad

Dei største byane i Tatarstan er hovudstaden Kazan (1 144 000 ibuarar), Naberezjnyje Tsjelny (513 200), Nizjnekamsk (234 000) og Almetjevsk (146 400).

Majoritetsbefolkninga er tatarar, men russarane utgjer ein stor minoritet. Offisielle språk er russisk og tatarsk. Ved folketeljinga i 2010 var den etniske samansetjinga:

• Tatarar: 53,2 %
• Russarar: 39,7 %
• Tsjuvasjar: 3,1 %

Bakgrunnsstoff

Commons har multimedium som gjeld: Tatarstan

• Offisiell nettstad
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.