Storstrategispel

Brettspelet Risk er eit døme på eit storstrategispel.

Storstrategispel er strategispel som tek for seg strategi på øvste steg, og dreier seg ofte om kontroll av ein heil nasjon eller eit imperium sine ressursar.

Storstrategi er oftast avgjort av det politiske styret i landet med råd frå stabssjefane og andre høgt rangerte innan det militære. Grunna store utstrekningar og talet på menneske som er involverte, gjeld oftast storstrategi heile folket, men detaljane om sjølve innsetjinga av strategien (som til dømes dei bakanforliggjande grunnane til ein militærallianse), blir ofte haldne skjult. Ein storstrategi kan vara i mange år, til og med mange generasjonar.

Eit klassisk døme på moderne storstrategi er avgjeringa frå dei allierte i andre verdskrigen om å konsentrere seg om Tyskland fyrst.

Døme på storstrategispel der militær taktikk er gjort svært abstrakt eller teken ut er brettspel som Risk og Diplomacy. Eit litt meir realistisk døme er Axis & Allies. Spel som Rise and Decline of the Third Reich, Empires in Arms og Empires of the Middle Ages er ekte krigsspel, i det at militære einingar er spesifikt representerte, og tek del i kampar som byggjer på dei militære eigenskapane deira. Hearts of Iron, Europa Universalis IV, Supreme Ruler Ultimate, Hegemony og Total War er døme på databaserte storstrategispel.

Fotnotar

• Delar av denne artikkelen bygger på «Grand strategy wargame» frå Wikipedia på engelsk, den 3. november 2019.