Sotalbatross
| Sotalbatross | |
 Sotalbatross | |
| Utbreiing og status | |
Status i verda:  Utbreiinga av Sotalbatross | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Stormfuglar Procellariiformes |
| Familie: | Albatrossfamilien Diomedeidae |
| Slekt: | Phoebetria |
| Art: | Sotalbatross P. fusca |
| Vitskapleg namn | |
| Phoebetria fusca | |
Sotalbatross, Phoebetria fusca, er ein stor sjøfugl i albatrossfamilien. Arten hekkar på sub-antarktiske øyar i Sør-Atlanteren og Indiahavet, og har elles utbreiing til havs i Sørishavet frå Sør-Amerika til Australia.[1] Saman med gråalbatross utgjer han den biologiske slekta Phoebetria.
Skildring
[endre | endre wikiteksten]Dette er ein mellomstor albatross med kroppslengd på 85 cm,[2] og vengespenn på to meter.[3] Vaksne har kroppsmasse som varierer frå 2,1 til 3,4 kg.[4] Han er sotbrun[3] med mørkare sjatteringar på sidene av hovudet. Han har ein kvit, tynn halvmåneforma ring over og bak auget. Nebbet er svart med ei gul linje langs underkjeven, nebblengda er 112 mm. Ungfuglane liknar på vaksne.[2] Vaksne sotalbatrossar skil seg frå vaksne gråalbatross ved at sotalbatross har mørkare fjørdrakt.
Dietten består av blekksprut,[3] krepsdyr, blekksprut, fisk og åtsel.[2]
Sotalbatrossen er ein kolonirugar, men ikkje i same grad som andre albatrossartar. Koloniane består vanlegvis av 50-60 par. Dei byggjer reira på fjellhyller og i bratte skrenter. Dei gjer freistnad på hekking annakvart år.[2]
Denne albatrossen hekkar på øyar i det sørlege Atlanterhavet, først og fremst Gough Island og Tristan da Cunha, dessutan i Indiahavet, bl.a. på Prince Edwardøyane og Crozetøyane.[2] Dei beitar til havs nord til ca. 30° S.[5]
Kjelder
[endre | endre wikiteksten]- Denne artikkelen byggjer på «Sooty Albatross» frå Wikipedia på engelsk, den 22. april 2012
Referansar
[endre | endre wikiteksten]- ↑ Brooke, M. (2004). «Procellariidae». Albatrosses And Petrels Across The World. Oxford, UK: Oxford University Press. ISBN 0-19-850125-0.
- ↑ 2,0 2,1 2,2 2,3 2,4 BirdLife International (2012) Species factsheet: Phoebetria fusca. Arkivert 2012-10-22 ved Wayback Machine. Henta frå http://www.birdlife.org on 22/04/2012
- ↑ 3,0 3,1 3,2 Trewby, Mary (2002). Antarctica: an encyclopedia from Abbot Ice Shelf to zooplankton. Auckland, New Zealand: Firefly Books Ltd. s. 170. ISBN 1-55297-590-8.
- ↑ CRC Handbook of Avian Body Masses by John B. Dunning Jr. (Editor). CRC Press (1992), ISBN 978-0-8493-4258-5.
- ↑ Clements, James (2007). The Clements Checklist of the Birds of the World (6 utg.). Ithaca, NY: Cornell University Press. ISBN 978 0 8014 4501 9.
Bakgrunnsstoff
[endre | endre wikiteksten]
- Videoar, bilete og lydopptak av sotalbatross hos Internet Bird Collection