Olympic Valley
Olympic Valley | |||
busetnad | |||
Land | ![]() | ||
---|---|---|---|
Folketal | 3 564 (2020)[1] | ||
![]() Olympic Valley 39°11′46″N 120°14′01″W / 39.196111111111°N 120.23361111111°W | |||
Wikimedia Commons: Olympic Valley, California |
Olympic Valley (tidlegare kjend som Squaw Valley) er ein tettstad ved elva Truckee i Placer County aust i California i USA. Olympic Valley er kjend for å ha vore arrangørby for Vinter-OL 1960. I 2016 hadde Olympic Valley 823 innbyggjarar.[2]
Olympic Valley ligg i fjellområda aust i California, ved breidda av elva Truckee, i nærleiken av Lake Tahoe på grensa mellom California og Nevada. Olympic Valley ligg kring 125 km unna delstatshovudstaten i California, Sacramento, kring 40 km unna delstatshovudstaden i Nevada, Carson City, og kring 50 km unna Reno i Nevada. Oppover fjella mot vest ligg Palisades Tahoe og OL-landsbyen.
Olympiske vinterleikar
[endre | endre wikiteksten]Utdjupande artikkel for dette emnet er Vinter-OL 1960.
![](http://upload.wikimedia.org/wikipedia/commons/thumb/2/27/Squaw_Valley_Cable_Car.jpg/220px-Squaw_Valley_Cable_Car.jpg)
Olympic Valley var arrangørby for Vinter-OL 1960, og er den minste byen OL har vore halden i.[3] Under avstemminga om kvar ein skulle halda leikane vann Olympic Valley den fyrste runden med 30 stemmer, mot dei andre kandidatane, Innsbruck i Austerrike, Garmisch-Partenkirchen i Tyskland og St. Moritz i Sveits. Olympic Valley og Innsbruck gjekk vidare til andre runde, der Olympic Valley vann med 32 stemmer mot 30
665 personar frå 30 land deltok i leikane. Det var til saman åtte ulike idrettar: skiskyting, ishockey, kunstløp, hurtigløp, alpint, langrenn, kombinert og skihopp.
Palisades Tahoe, som fram til 2021 heitte Squaw Valley Ski Resort, var arena for OL-øvingane. Dette er eit av dei største vintersportsstadene i USA. Han er den nest største vintersportsstaden i Lake Tahoe-området, etter Heavenly Mountain Resort, som ligg lenger mot søraust. Olympic Valley Ski Resort er 15 km² stort og har 30 stolheisar.
Kjelder
[endre | endre wikiteksten]- ↑ 1,0 1,1 1,2 1,3 https://www.census.gov/search-results.html?q=Squaw+Valley+CDP%2C+California&page=1&stateGeo=none&searchtype=web&cssp=SERP&_charset_=UTF-8; vitjingsdato: 3. april 2023.
- ↑ «Olympic Valley (zip 96146), California». Sperlings Best Places. Henta 28. februar 2018.
- ↑ Johanson, Mark (26. juli 2012). «5 Olympic Host Cities You’ve (Probably) Never Heard Of That You’ll Want To Visit». International Business Times.
- Denne artikkelen bygger på «Olympic Valley» frå Wikipedia på bokmål, den 14. januar 2024.