Mia Hundvin
| Mia Hundvin | |
|
| |
| Statsborgarskap | Noreg |
| Fødd | 7. mars 1977 (47 år) Bergen |
| Idrett | handball |
| Tok del i | Sommar-OL 2000 |
_(cropped).jpg)
Mia Terese Hundvin (fødd 7. mars 1977) er ein norsk tidlegare handballspelar frå Bergen. Vengspelaren vann i tida 1998-2002 både EM-gull og VM-gull, OL-bronse og EM-sølv.
Karriere
[endre | endre wikiteksten]Landslagsspel
[endre | endre wikiteksten]Hundvin debuterte på landslaget mot Litauen 15. januar 1998. I desember same året var ho med på Noregs lag som vann handball-EM 1998 etter suveren finalesiger mot Danmark. Eitt år seinare skåra ho fem mål då Noreg vart verdsmeister på Lillehammer, etter ein høgdramatisk finalekamp mot Frankrike. Under Sommar-OL 2000 i Sydney fekk Hundvin ein bronsemedalje med Noreg, før ho til sist deltok i EM-finalen 2002 i danske Herning, ein kamp som enda med dansk tomålstriumf. Hundvin spelte 72 landskampar og skåra 174 mål for landslaget.
Klubbspel
[endre | endre wikiteksten]Hundvin var Tertnes-spelar i den norske toppserien fram til våren 2000, med unnatak for 1996/97-sesongen då ho var aktiv i Gjerpen IF. Ho avslutta tida i Tertnes med finaletap i EHF-cupen mot spanske Mislata. Perioden 2000-04 spelte ho på danske handballklubbar; Frederiksberg, Slagelse og Aalborg. Frå 2004 til 2008 var ho medlem i Nordstrand IF.
Merittar
[endre | endre wikiteksten]- EM 1998: Gullmedalje etter 24–16 mot Danmark
- VM 1999: Gullmedalje etter 25–24 mot Frankrike
- OL 2000: Bronsemedalje etter 22–21 mot Sør-Korea
- EM 2002: Sølvmedalje etter 22–25 mot Danmark
Ymse
[endre | endre wikiteksten]Hundvin var frå 1999 kjærast og sidan sambuar med den danske handballspelaren Camilla Andersen. Frå 2002 var ho sambuar med snøbrett-utøvaren Terje Håkonsen.
Kjelder
[endre | endre wikiteksten]- Denne artikkelen bygger på «Mia Hundvin» frå Wikipedia på bokmål, den 7. desember 2016.