MTR Corporation Ltd.
| MTR Corporation Ltd. | |||
 | |||
 | |||
| Bransje | Kollektivtransport, eigedomsutvikling | ||
|---|---|---|---|
| Skipa | 1975 | ||
| Land | Folkerepublikken Kina | ||
| Produkt | jarnbanetog | ||
| Adm.dir. | Jay Walder (1. januar 2012) | ||
| Nettstad | https://www.mtr.com.hk/ (engelsk) | ||
MTR Corporation Ltd. er ei kinesisk verksemd skipa i 1975 for å stå for drifta av tunnelbanenettet i Hongkong. Verksemda har seinare engasjert seg på verdsmarknaden når det gjeld vedlikehald og drift av skjenegåande kollektiv persontrafikk i og mellom byområde.
Etter at privatisering av skjenegåande persontransport har vorte vanleg i mange land, står MTR Corporation Ltd. for drifta av mellom anna regiontog i Melbourneområdet i Australia, er engasjert i persontransporten på jarnbanenettet London Overground i Londonsområdet i England (i ei gruppe med Deutsche Bahn Arriva, som er er eit selskap under Deutsche Bahn Aktiengesellschaft og tek seg av jarnbanedrift utanfor Tyskland), driv frå 2009 Stockholms tunnelbane i Stockholm i Sverige, og frå våren 2015 køyrar selskapet sin eigen såkalla «MTR Express» mellom Stockholm og Göteborg i Sverige etter at det vart opna for konkurranse mellom fleire persontogselskap samstundes på denne jarnbanestrekninga.
