Kantonen Zug

	Zug
	Zoug, Zugo, Zug
	kanton
	Symbol
	Symbol
	Forkorting: ZG
Land	Sveits
Del av	Sentral-Sveits
Hovudstad	Zug
Høgaste punkt	Wildspitz
• høgd	1 580 moh.
Areal	238,73 km²
Folketal	126 837 (31. desember 2018)
Kanton sidan	1352
Språk	tysk
	; Kantonen Zug; 47°09′53″N 8°32′53″E / 47.1648°N 8.548°E
	Kart som viser Kantonen Zug. Kart som viser Kantonen Zug.
	Wikimedia Commons: Canton of Zug

Denne artikkelen handlar om kantonen i Sveits. For andre tydingar av ordet, sjå Zug (fleirtyding).

Zug er ein av kantonane i Sveits. Han ligg i det sentrale Sveits. Kantonen har eit areal på 239 km², og hadde om lag 127 000 innbyggarar i 2018. Hovudstaden i kantonen er byen Zug.

Geografi

Zug grensar til kantonane Zürich i nord, Schwyz i sør, og Luzern og Aargau i vest. Landskapet er dominert av åsar og langstrakte fjellryggar. 1 580 meter høge Wildspitz i fjellmassivet Rossberg er det høgste punktet i kantonen. Zugsjøen ligg for ein stor del i kantonen.

Språk og samfunnn

Tysk er skriftspråk i kantonen, talemålet høyrer til den sveitsartyske dialekta. Om lag 22% av innbyggarane er utanlandske statsborgarar. 62% av folket er medlemmer av den romersk-katolske kyrkja, medan 18% soknar til protestantismen.

Kommunar

Zug består av elleve kommunar: Baar, Cham, Hünenberg, Menzingen, Neuheim, Oberägeri, Risch, Steinhausen, Unterägeri, Walchwil og Zug.

Historie

Den eldre historia til kantonen er praktisk talt identisk med hovudstaden Zug si. I 1798 danna kantonen ein del av Tellgau, ein slags stat i det indre av Sveits. Noko etter vart Zug eit av distrikta i den vidstrakte kantonen Waldstätten i republikken Helvetia. Kantonen Waldstätten bestod også av det som i dag er kantonen Schwyz, kantonen Luzern, Unterwalden og kantonen Uri.

Gjennom meklingsavtalen av 1803 fekk kantonen Zug atter sjølvstende som ein eigen kanton. Grunnlova av 1814 avskaffa opne forsamlingar (Landsgemeinde), som hadde eksistert i kantonen sidan 1376. I 1845 slutta kantonen Zug seg til det separatistiske Sonderbund og deltok i borgarkrigen i 1847. Denne enda med tap, og den sveitsiske konføderasjonen sørgde i 1848 for at dei resterande funksjonane med opne forsamlingar vart avskaffa. Både i 1848 og i 1874 røysta kantonen mot føderale grunnlover. Grunnlova for kantonen av 1876 vart endra i 1881, og erstatta av ei ny i 1894.

Kjelder

↑ ^1,0 ^1,1 ^1,2 ^1,3 «Bilanz der ständigen Wohnbevölkerung nach Kanton, definitive Jahresergebnisse, 2018». statistisk byrå.

Denne artikkelen bygger på «Kanton Zug» frå Wikipedia på tysk, den 10. august 2011.

Bakgrunnsstoff

Commons har multimedium som gjeld: Kantonen Zug

Offisiell nettstad

[wikidata-3f6a3890ee96adf75dee671a90d894e9d3a8565d-v4-1] 1,0 ^1,1 ^1,2 ^1,3 «Bilanz der ständigen Wohnbevölkerung nach Kanton, definitive Jahresergebnisse, 2018». statistisk byrå.

[1]