Johannes Thingnes Bø

Johannes Thingnes Bø
Johannes Thingnes Bø i Oberhof 2023. Foto: Sandro Halank
Statsborgarskap	Noreg
Fødd	16. mai 1993 (31 år) Stryn kommune
Idrett	skiskyting, langrenn
Tok del i	VM i skiskyting 2019, Skiskyting under Vinter-OL 2014 – Jaktstart menn, Skiskyting under Vinter-OL 2018 – Sprint menn, Skiskyting under Vinter-OL 2018 – Jaktstart menn, Skiskyting under Vinter-OL 2022 – Sprint menn, Skiskyting under Vinter-OL 2014 – Normaldistanse menn, Skiskyting under Vinter-OL 2022 – Jaktstart menn, Skiskyting under Vinter-OL 2018 – Normaldistanse menn, Skiskyting under Vinter-OL 2014 – Fellesstart menn, Skiskyting under Vinter-OL 2018 – Fellesstart menn, Skiskyting under Vinter-OL 2022 – Fellesstart menn, Skiskyting under Vinter-OL 2014 – Sprint menn, Skiskyting under Vinter-OL 2022 – Normaldistanse menn
Utmerkingar	Karolineprisen, Kongepokal, Holmenkollmedaljen, Kongepokal

Johannes Thingnes Bø (fødd 16. mai 1993) er ein norsk skiskyttar frå Markane i Stryn som vann verdscupen i skiskyting 2019. Åra 2015-19 sikra han seg sju gullmedaljar i verdsmeisterskapane, attåt han vart olympisk meister på 20 km under Vinter-OL 2018. I tillegg vann han desse sesongane fem VM-sølv, to OL-sølv og to VM-bronsar. Han er ein yngre bror til Tarjei Bø og medlem i Markane Idrettslag.

Aktiv

Johannes T. Bø markerte seg allereie tidleg som eit stor idrettstalent. I 2011 vart han dobbel junior-noregsmeister i skiskyting og attpåtil norsk juniormeister i 15 km langrenn. Sesongen etter vann han to individuelle gullmedaljar og stafettgull under junior-VM i skiskyting i finske Kontiolax. I sin siste juniorsesong var han nær ved å kopiere alle desse prestasjonane, men måtte nøye seg med sølv på sprinten, i tillegg til gullmedaljane i jakstart og på stafetten.

Bø fekk sitt definitive internasjonale gjennombrot som skiskyttar då han midt i desember 2013 vann både sprint-tevlinga og den etterfylgjande jaktstarten under verdscuprenna i Annecy-Le Grand Bornand. Under Vinter-OL 2014 deltok han for Noreg i 4 x 7,5 km stafett, eit lag som kom på fjerdeplass, hans beste individuelle plassering i leikane kom på den avsluttande fellesstarten der han vart nummer åtte. På tampen av sesongen, i tida 13.-16. mars, gjekk han til topps i samtlege tre verdscuprenn i Kontiolahti. Då sesongen var over etter tevlingar i Holmenkollen, stod han att med tredjeplassen i verdscupen i skiskyting for 2014-sesongen, få poeng bakom landsmannen Emil Hegle Svendsen.

Kjelder

• Denne artikkelen bygger på «Johannes Thingnes Bø» frå Wikipedia på bokmål, den 30. mars 2014.

• «Johannes Thingnes Bø» (på engelsk). Olympedia. Henta 4. februar 2022.