Hvid
Hvid er ein dansk-norsk mynt som vart slått i perioden 1483 til 1578 etter mønster av tyske witten. Ein hvid var lik 4 penningar. 3 hvid var lik ein skilling.
I Noreg vart dei første hvid-myntane prega i Bergen under kong Hans (1483-1513). Sidan vart det prega hvid-mynt både i Bergen og Nidaros under erkebiskop Gaute Ivarsson, kong Fredrik I og erkebiskop Erik Valkendorf.
Hvid prega i Nidaors vart kalla St. Olavshvid, hvid prega av kongemakta vart kalla kronhvid. Sidan det vart brukt dårlegare metallkvalitet, kunne kunne det utpå 1500-talet gå opp til 6 hvid på ein skilling.
Kjelder
[endre | endre wikiteksten]- Norsk mynt i 1000 år
- «Hvid» i Historisk leksikon