Helle
Hella og Helle er skandinaviske personnamn, stadnamn og slektsnamn. Namnet er særleg brukt som kvinnenamn i Danmark, men er også eit mindre vanleg mannsnamn. Helle har norsk namnedag den 20. november.
Førenamna er avleidd av Helga og Helge, som kjem frå norrønt heilagr, 'heilag'. Helle er også namnet på ei jente i gresk mytologi som havet Hellespont er kalla opp etter.
Helle er utbreidd som stadnamn og slektsnamn i Noreg, då ofte med tydinga 'flatt fjell'. Det blir også skrive Hille og finst i fleire samansetjingar, som Helland, Hellem og Helleberg.
Bruk
[endre | endre wikiteksten]Helle har vore mykje brukt som kvinnenamn i Danmark, men bruken har gått ned mot slutten av 1900-talet. I Noreg voks det i popularitet frå rundt 1930, med ein topp i første halvdel av 1960-åra, då rundt 0,25 % av jenter fekk namnet. Ved byrjinga av 2000-åra var det også ein auke i bruken, og opp mot 0,20 % av nyfødde blei kalla Helle.
I 2008 var det 35 018 danske kvinner som heitte Helle og 303 som heitte Hella. I Noreg var det 2 260 som heitte Helle og 52 som heitte Hella same året.
Etternamnet Helle var brukt som slektsnamn av 2 088 nordmenn og 165 danskar i 2008.
Kjende namneberarar
[endre | endre wikiteksten]![](http://upload.wikimedia.org/wikipedia/commons/thumb/0/08/Helle_Thorning-Schmidt%2C_2008.jpg/220px-Helle_Thorning-Schmidt%2C_2008.jpg)
- Helle Virkner (f. 1925), dansk skodespelar
- Helle Ryslinge (f. 1944), dansk skodespelar og filmskapar
- Helle Degn (f. 1946), dansk politikar
- Helle Helle (f. 1965), dansk forfattar
- Helle Thorning-Schmidt (f. 1966), dansk politikar
- Helle Beck Figenschow (f. 1974), norsk skodespelar
Stader som heiter Helle
[endre | endre wikiteksten]- Helle kommune i Danmark
- Helle i Arendal kommune, bygd i Aust-Agder
- Helle i Forsand kommune, tettstad i Rogaland
- Helle i Kragerø kommune, tettstad i Telemark der ein finn Helle kyrkje
- Helle i Haram kommune, bygd på Sunnmøre
- Helle flyplass i Vågan kommune i Nordland
Kjelder
[endre | endre wikiteksten]- Delar av denne artikkelen bygger på «Helle» frå Wikipedia på bokmål, den 19. november 2008.
- Denne artikkelen bygger på «Helle (kvinnenavn)» frå Wikipedia på bokmål, og «Helle (navn)» frå Wikipedia på dansk den 19. november 2008.
- Søk etter norsk namnestatistikk for Helle hjå Statistisk Sentralbyrå
- Navne ved Danmarks Statistik
- Søk på Helle i Norske Gaardnavne av Oluf Rygh