Hanna-Barbera
Hanna-Barbera | |||
![]() | |||
Hanna-Barberas bygning på 3400 Cahuenga Blvd. i Studio City, California. Bildet er tatt i 2007. ![]() | |||
Org.form | Dotterselskap | ||
---|---|---|---|
Bransje | Filmindustri, fjernsyn | ||
Skipa | 1956 | ||
Hovudkontor | Los Angeles | ||
Land | USA | ||
Produkt | fjernsynsserie, TV-reklame, animated television special, spelefilm, kortfilm | ||
Grunnleggjar(ar) | William Hanna, Joseph Barbera, George Sidney |
Hanna-Barbera Productions var eit animasjonstudio som blei grunnlagt i 1957 av William Hanna og Joseph Barbera. Selskapet skapte ei mengd kjende figurar, som Familien Flintstone, Scooby Doo og Yogi Bear. Det produserte for det meste animasjonsfilmar for TV, og var heilt dominerande i den amerikanske marknaden for animerte TV-seriar på 1960- og 1970-talet.
Historie
[endre | endre wikiteksten]Barbera og Hanna innleidde samarbeidet sitt ved MGM Cartoon Studio, der dei skapte Tom og Jerry. Fram til 1957, då MGM la ned animasjonsstudioet sitt, hadde dei regissert alle filmane i Tom og Jerry-serien. No gjekk dei vidare og starta sitt eige studio, opphavleg kalla H-B Enterprises, men i 1959 omdøypt til Hanna-Barbera Productions.
Då studioet blei etablert var produksjonen av animerte kortfilmar for kinovising på veg ut i USA, og det nye studioet fokuserte fyrst og fremst på TV-marknaden. Ein einaste filmserie berekna for kinovising blei produsert: Loopy De Loop, 1959-1965, distribuert av Columbia Pictures.
På 1960-talet ekspanderte Hanna-Barbera kraftig, og kom til å bli heilt dominerande på marknaden for animerte TV-seriar i USA, med produksjonstopp på midten av 1970-talet.
I 1967 blei Hanna-Barbera Productions eit dotterselskap av Taft Broadcasting.
På 1980-talet mista studioet mykje av innverknaden sin, og i 1990 kunngjorde Taft Broadcasting at det skulle selja Hanna-Barbera Productions. Eit år seinare blei studioet kjøpt opp av Turner Broadcasting,[1] medan William Hanna og Joseph Barbera delvis arbeidde som «rådgjevarar» for alle nyproduksjonar. Fem år seinare blei Turner kjøpt opp av Time Warner.[1]
På slutten av 1990-talet hadde nyproduksjonane til Hanna-Barbera i prinsippet stansa. Den einaste delen av selskapet som framleis produserte seriar var Cartoon Network Studios, som blei skipa i 1994 for å produsera TV-seriar til kabelkanalen Cartoon Network (starta i 1992), som også viste dei klassiske Hanna-Barbera seriane. Dei nye seriane blei lanserte som Hanna-Barbera-produksjonar. I 1998 blei Hanna-Barbera-studioet lagt ned, og all verksemd flytt over til Warner Bros. Animations, ein del av Time Warner. Dette var byrjinga til slutten for Hanna-Barbera-namnet på dei seriane som blei skapte i samarbeid med Cartoon Network Studios.
I 2001, etter at William Hanna var død, blei hovuddelen av studioet lagt ned. Den siste offisielle Hanna-Barbera-produksjonen var Scooby-Doo and the Cyber Chase. Hanna-Barbera heldt fram med å vere under Warner Bros Animation, samtidig som Cartoon Network Studios blei gjort om til eit eige selskap. Joseph Barbera heldt fram med å arbeida for Warner Bros. Animations, og fungerte som administrerande produsent for alle nye og gamle Hanna-Barbera-produksjonar fram til han døydde i 2006.
Produksjon
[endre | endre wikiteksten]Utval av kjende figurar
[endre | endre wikiteksten]Eigne figurar
[endre | endre wikiteksten]- Familien Flintstone
- Scooby-Doo
- Huckleberry Hund
- Yogi Bear
- Jetsons
- Top Cat
- Hong Kong Phooey
- Jonny Quest
- Wally Gator
- Foofur
- Johnny Bravo
Lisensproduserte figurar
[endre | endre wikiteksten]- Tom & Jerry (skapt av William Hanna og Joseph Barbera for MGM Cartoon Studio)
- Smurfene
- Lucky Luke
- Pac-Man
- Familien Addams
- Superman
- Batman
- Fantastic Four
TV-seriar
[endre | endre wikiteksten]Kortfilmseriar
[endre | endre wikiteksten]Langfilmar
[endre | endre wikiteksten]- Hey There, It's Yogi Bear (1964)
- The Man Called Flintstone (1966)
- Charlotte's Web (1973)
- Heidi's Song (1982)
- GoBots: Battle of the Rock Lords (1986)
- Jetsons: The Movie (1990)
- Once Upon a Forest (1993)
Heimevideoar
[endre | endre wikiteksten]- Scooby-Doo on Zombie Island, 1998)
- Scooby-Doo and the Witch's Ghost, 1999)
- Scooby-Doo and the Alien Invaders, 2000)
- Scooby-Doo and the Cyber Chase, 2001)
Kjelder
[endre | endre wikiteksten]- ↑ 1,0 1,1 Schneider, Richard Natale,Michael; Natale, Richard; Schneider, Michael (18. desember 2006), «Cartoon giant Barbera dies», Variety (på engelsk), henta 3. februar 2024
- Denne artikkelen bygger på «Hanna-Barbera» frå Wikipedia på bokmål, den 3. februar 2024.