Hamre kyrkje
Hamre kyrkje | |||
kyrkje | |||
Foto: Odd Roar Aalborg | |||
Land | ![]() | ||
---|---|---|---|
Fylke | Vestland | ||
Kommune | Osterøy | ||
Kyrkjesamfunn | Den norske kyrkja | ||
Bispedøme | Bjørgvin | ||
Prosti | Åsane | ||
Sokn | Hamre | ||
Fellesråd | Osterøy | ||
Teknikk | Lafta | ||
Innvigd | Ukjent[1] | ||
• Endringar | 1859, 1867, 1946-1949 | ||
Kyrkjegard | Ved kyrkja | ||
![]() Hamre kyrkje 60°32′41″N 5°21′08″E / 60.5448°N 5.3521°E | |||
Wikimedia Commons: Hamre kirke |
Hamre kyrkje står på Hamre i Osterøy kommune i Vestland fylke, og er ei lafta langkyrkje med stutte krossarmar. Kyrkja er frå kring 1600, men ho er ikkje sikkert datert. Tidlegare har kyrkja vore datert til perioden 1620–1640, men ei innskrift på den gamle kyrkjedøra fortel at kyrkja er frå 1585. I ei anna, no dels forsvunnen, innskrift over korbogen vert det fortald at kyrkja vart vølt og forbetra i 1649. Det kan peike mot at kyrkja då alt hadde ein viss alder.
Det har vore kyrkje på Hamre sidan mellomalderen, og Hamre kan ha vore den fyrste kyrkjestaden i Nordhordland. I 1024 vart det vedteke på Mostratinget at Hamre skulle vere staden der hovudkyrkja i Nordhordland skulle stå. Ein veit ikkje om det då allereie var ei kyrkje der eller om ho vart bygd etter vedtaket. Det er truleg at den fyrste kyrkja var ei lita stolpekyrkje. Altaret i dagens kyrkje kan ha stått på same plassen heilt sidan den fyrste kristne tida.[2] Denne kyrkja skal ha vorte avløyst av ei større kyrkje i 1170. Ho stod til dagens kyrkje vart bygd. I kyrkja er det teke vare på nokre bygningsdelar som er frå den førre kyrkja. Desse tyder på at det var ei stavkyrkje.
Hamre kyrkje er soknekyrkje i Hamre sokn i Åsane prosti. Fram til utfasinga av prestegjeld frå 2004 tilhøyrde kyrkja Osterøy prestegjeld. Hamre var tidlegare eige prestegjeld og kyrkja var i mellomalderen fjerdingskyrkje for heile Nordhordland.
Kjelder
[endre | endre wikiteksten]- Hamre kirke frå Norges Kirker/ NIKU og KA
Fotnotar
[endre | endre wikiteksten]- ↑ «Norges Kirker: «Hamre kirke»». Henta 9. april 2014. På nettstaden til Norges Kirker/ NIKU og KA
- ↑ Kristoffer Foldøy: «Om å gøyma bort historia : Steinalterert i Hamre kyrkje» (PDF), arkivert frå originalen (PDF) 23. mars 2012, henta 1. april 2009
Bakgrunnsstoff
[endre | endre wikiteksten]- Om Hamre sokn på nettstaden til Den norske kyrkja
- Kart frå 1979 som viser soknegrenser og kyrkjestader, på nettstaden til Universitetet i Bergen
- «Kirkebøker, Hordaland» på nettstaden til Arkivverket Arkivert 2009-03-22 ved Wayback Machine.
- Om Hamre kyrkje på nettstaden til Den norske kyrkja Arkivert 2012-03-23 ved Wayback Machine.
- Skanna kyrkjebøker frå Hordaland på nettstaden til Arkivverket
- Oversyn over gravminne i Osterøy kommune på nettstaden disnorge.no
- Hamre kyrkje i kulturminnesok.no, nettstaden til Riksantikvaren
- «Hamre kyrkje». Kirkesøk. Den norske kyrkja.