EM i fotball 1984

Europameisterskapen i fotball 1984 var den sjuande europameisterskapen i fotball. Meisterskapen vart avvikla i Frankrike i tida 12. til 27. juni 1984. Vertslandet Frankrike vart europameister etter 2-0 over Spania i finalen på Parc des Princes i Paris. Dei 14 kampane var fordelt på sju byar; Lens, Lyon, Marseille, Nantes, Paris, Saint-Étienne og Strasbourg.

Omframt vertsnasjonen, som fekk friplass, hadde Belgia, Danmark, Jugoslavia, Portugal, Romania, Spania og Vest-Tyskland kvalifisert seg til sluttspelet. 32 land deltok i kvalifiseringa, fordelt på sju grupper, som gjekk av stabelen i tida frå mai 1982 til desember 1983.

Dei åtte deltakarlanda i sluttspelet var fordelt i to like store grupper. Vinnarane i gruppene møtte så toarane i dei motsvarande gruppene til semifinalar. Semifinalevinnarane gjekk deretter til finale. Bronsefinale vart ikkje spelt.

I begge semifinalane stod det 1-1 etter 90 minuttar. Frankrike avgjorde mot Portugal då lagkapteinen Michel Platini la på til 3-2 i det 119. minutt. Den andre semifinalen mellom Spania og Danmark vart avgjort med straffesparktevling. Fyrst då ein av dei store spelarane i meisterskapen, danske Preben Elkjær, skaut utanfor på lagets femte straffe, kunne Spania juble for finaleplass.

Gruppespelet

Gruppe A

#	Lag	K	S	T	Mål	±	P
1	Frankrike	3	3	0	9–2	7	6
2	Danmark	3	2	1	8–3	5	4
3	Belgia	3	1	2	4–8	−4	2
4	Den sosialistiske føderale republikken Jugoslavia	3	0	3	2–10	−8	0

12. juni 1984
	Frankrike	1–0	Danmark	Parc des Princes, Paris Tilskodarar: Dommar:

13. juni 1984
	Belgia	2–0	Den sosialistiske føderale republikken Jugoslavia	Stade Félix-Bollaert, Lens Tilskodarar: Dommar:

16. juni 1984
	Frankrike	5–0	Belgia	Stade de la Beaujoire, Nantes Tilskodarar: Dommar:

16. juni 1984
	Danmark	5–0	Den sosialistiske føderale republikken Jugoslavia	Stade de Gerland, Lyon Tilskodarar: Dommar:

16. juni 1984
	Frankrike	3–2	Den sosialistiske føderale republikken Jugoslavia	Stade Geoffroy-Guichard, Saint-Étienne Tilskodarar: Dommar:

16. juni 1984
	Danmark	3–2	Belgia	Stade de la Meinau, Strasbourg Tilskodarar: Dommar:

Gruppe B

#	Lag	K	S	U	T	Mål	±	P
1	Spania	3	1	2	0	3–2	1	4
2	Portugal	3	1	2	0	2–1	1	4
3	Tyskland	3	1	1	1	2–2	0	3
4	Romania	3	0	1	2	2–4	−2	1

14. juni 1984
	Tyskland	0–0	Portugal	Stade de la Meinau, Strasbourg Tilskodarar: Dommar:

14. juni 1984
	Romania	1–1	Spania	Stade Geoffroy-Guichard, Saint-Étienne Tilskodarar: Dommar:

17. juni 1984
	Tyskland	2–1	Romania	Stade Félix-Bollaert, Lens Tilskodarar: Dommar:

17. juni 1984
	Portugal	1–1	Spania	Stade Vélodrome, Marseille Tilskodarar: Dommar:

20. juni 1984
	Tyskland	0–1	Spania	Parc des Princes, Paris Tilskodarar: Dommar:

20. juni 1984
	Portugal	1–0	Romania	Stade de la Beaujoire, Nantes Tilskodarar: Dommar:

Finalen

EM-finalen fann stad på på Parc des Princes i Paris framfor 47 368 tilskodarar. Den suverene einaren i meisterskapen, den franske lagkapteinen Michel Platini, skåra sitt niande mål då han gav vertslandet leiinga etter 57 minuttar. Stillinga 1-0 stod seg til Bruno Bellone kontra inn 2-0 i sluttminuttet. Fem minuttar tidlegare var den franske midstopparen Yvon Le Roux utvist.

Dei franske spelarane som tok heim landslagets fyrste store pokal var: Joël Bats, Patrick Battiston, Yvon Le Roux, Maxime Bossis, Jean-François Domergue, Alain Giresse, Luis Fernández, Jean Tigana, Bernard Lacombe, Michel Platini, Bruno Bellone. Manuel Amoros kom inn for Battiston i det 73. minutt og Bernard Genghini for Lacombe etter 80 minuttar.

Spania stilte med: Luis Arconada (kaptein) i mål, Ricardo Gallego, Santiago Urquiaga, Salva García, José Antonio Camacho, Juan Señor, Víctor Muñoz, Julio Alberto, Francisco López, Santillana Alonso og Francisco Carrasco. Manuel Sarabia og Roberto Fernández vart bytta inn i det 77. og 85. minutt, ut fór Julio Alberto og Salva Garcia.

Vojtěch Christov frå Tsjekkoslovakia var finaledommar.

Kjelder

Denne artikkelen bygger på «UEFA Euro 84» frå Wikipedia på engelsk, den 27. juli 2015.