Hopp til innhald

Katrine Fruelund

Frå Wikipedia – det frie oppslagsverket
Versjonen frå 15. november 2022 kl. 18:22 av Migne (diskusjon | bidrag) (→‎Landslagsspel)
Katrine Fruelund i Randers-drakt

Katrine Fruelund (fødd 12. juli 1978) er ein dansk tidlegare handballspelar frå Randers. Han vart olympisk meister med Danmark både i 2000 og 2004, europmeister 2002. Fruelund var venstre rykkromspelar, deltok åra 1997-2012 i 184 landskampar og skåra 570 mål.

Klubbspel

Fruelund spelte på Randers HK fram til 1999, og frå 2006 til ho la opp i 2014. I mellomtida gjorde ho teneste i Viborg HK 1999-2005 og 2005/6-sesongen i tyske HC Leipzig. Fruelund vart dansk sereimeister fire gongar med Viborg, tysk bundesligameister 2006 for Leipzig og dansk seriemeister 2012 med Randers HK. Ho var med på å vinne EHF-cupen 2004 for Viborg og 2010 for Randers HK. I sin einaste EHF-meisterligafinale, 2001, tapte laget hennar mot Krim Ljubljana.

Landslagsspel

I 1998 måtte Danmark og Fruelund tåle tap mot Noreg i finalen i europameisterskapen. To år seinare var Fruelund med i den danske troppa som forsvarte den olympiske meistertittelen landslaget tok i 1996. Ved Handball-EM 2002 på heimebane fekk Fruelund og lagvenninene revansj mot Noregs kvinner i finalen i Herning. Høgdepunktet for Fruelund kom under Sommar-OL 2004. I eit rekordjamt finale-oppgjer mot Sør-Korea skåra ho heile 15 mål.

Kjelder