Alessandro Mahmoud
Alessandro Mahmoud (født 12. september 1992 i Milano i Italia), kjend under artistnamnet Mahmood, er ein italiensk songar og låtskrivar av egyptisk-sardinsk opphav.[1][2] Han vann den største musikktevlinga i Italia, San Remo-festivalen, i 2019, med songen «Soldi», og han representerte Italia i Eurovision Song Contest 2019 i Tel Aviv i Israel.[3][4]
Bakgrunn
Alessandro Mahmoud vart fødd i Milano i 1992 av ei italiensk mor og ein egyptisk far.[5] Han dukka fyrste gongen opp i offentlegheita i 2012, då han deltok i den sjette sesongen av italienske X Factor.[6]
San Remo-festivalen
I 2016 deltok Mahmood i nykommer-klassa i San Remo-festivalen med songen «Dimentica», og i november 2018 gav han ut EP-en Gioventù bruciata. Med same låt vann han konkurransen Sanremo Giovani 2018, som vart arrangert 21. desember 2018.[7] Sigeren sikra han ein plass i den 69. utgåva av San Remo-festivalen, som vart arrangert i byen Sanremo i februar 2019.
I San Remo-festivalen 2019 deltok Mahmood med songen «Soldi» (pengar), skriven av han sjølv, Dardust og Charlie Charles. Han kvalifiserte seg til finalen laurdag 9. februar og vann den etter å ha fått flest poeng frå juryane og tv-sjåarane samanlagt. Han representerte dimed Italia i finalen av Eurovision Song Contest i Tel Aviv laurdag 18. mai.
Sigeren i San Remo-festivalen var likevel ikkje utan kontroversar, sidan andreplassen Ultimo og songen «I tuoi particolari» fekk klårt flest telefonrøyster. Mahmoood fekk flest jurystemmar og vann tevlinga samanlagt.[8] Etter sigeren gjekk Italias visestatsminister og Lega Nord-leiar Matteo Salvini, ut på Twitter og sa han heller ville ha Ultimo som vinnar. Politiske kommentatorar meinte utspelet òg var retta mot den etniske bakgrunnen til Mahmood.[9][10]
Eurovision Song Contest
Gjennom sigeren i San Remo-festivalen vart Mahmood tilboden oppdraget med å representere Italia i Eurovision Song Contest 2019 i Israel. Mahmood takka ja til tilbodet og deltok med «Soldi» i finalen laurdag 18. mai 2019 i Expo Tel Aviv. Der hadde han startnummer 22 og enda til slutt på ein andreplass bak Nederland.[11]
Anna
Som låtskrivar har Mahmood skrive songar for artistar som Elodie, Michele Bravi og Marco Mengoni, som representerte Italia i Eurovision Song Contest 2013 i Malmö.[5][12]
Diskografi
EP
- 2018 – Gioventù bruciata
Singlar
Tittel | År | Høgaste
plassering |
Sertifiseringer | Album | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
ITA[13] | SVI[14] | ||||||||||||||||||||||
«Fallin' Rain»
(som Mahmoud)[15] |
2013 | — | — | Ikke fra album | |||||||||||||||||||
«Dimentica» | 2016 | — | — | ||||||||||||||||||||
«Peso» | 2017 | — | — | ||||||||||||||||||||
«Uramaki» | 2018 | 86 | – | Gioventù bruciata | |||||||||||||||||||
«Milano Good Vibes» | — | — | |||||||||||||||||||||
«Gioventù bruciata» | 40 | – | |||||||||||||||||||||
«Soldi» | 2019 | 1 | 5 | ||||||||||||||||||||
«Barrio» | 4 | – | (Album under arbeid) | ||||||||||||||||||||
«Rapide» | 2020 | 5 | – | ||||||||||||||||||||
«—» markerer at songen ikkje nådde lista. |
Referansar
- ↑ «Mahmoud: Discography & Songs». Discogs.
- ↑ «Mahmood: «Vi piace cantautore Moroccan pop?»» (på italiensk). 1. februar 2019. Henta 11. februar 2019.
- ↑ «Sanremo, il vincitore è Mahmood. Ultimo è secondo, terzo classificato Il Volo». La Repubblica. 10. februar 2019.
- ↑ «Italy: Mahmood confirms - he WILL represent Italy at Eurovision 2019» (på engelsk). 12. februar 2019. Henta 12. februar 2019.
- ↑ 5,0 5,1 «Mahmood - Eurovision Song Contest Tel Aviv 2019». EBU. Henta 12. februar 2019.
- ↑ «Simona Ventura su Mahmood: "E' un'ingiustizia"» (på italiensk). 12. februar 2019. Henta 12. februar 2019.
- ↑ «Mahmood è il secondo vincitore di Sanremo Giovani» (på italiensk). RAI. 22. desember 2018. Henta 10. februar 2019.
- ↑ «Sanremo 2019, i risultati del televoto. Ultimo sbanca da casa col 46,5%, ma vince Mahmood» (på italiensk). Henta 12. februar 2019.
- ↑ Tjørhom, Vegard (12. februar 2019). «Italias ESC-bidrag irriterer toppolitikarar». Henta 12. februar 2019.
- ↑ Giuffrida, Angela (11. februar 2019). «Italian-Egyptian singer's victory angers Matteo Salvini». The Guardian (på engelsk). ISSN 0261-3077.
- ↑ «Eurovision 2019: This is the running order of the Grand Final!». EBU. 16. mai 2019. Henta 17. mai 2019.
- ↑ «Sanremo 2019 winner Mahmood to represent Italy in Tel Aviv!». Henta 10. februar 2019.
- ↑ «Classifica settimanale WK 7 (dal 08.02.2019 al 14.02.2019)» (på italiensk). Federazione Industria Musicale Italiana. 15. februar 2019. Henta 15. februar 2019.
- ↑ «Mahmood - Soldi - hitparade.ch». Henta 19. februar 2019.
- ↑ Alberto Muraro (24. juli 2013). «Mahmoud – Fallin' Rain (audio e cover singolo)» (på italiensk). RadioMusik.it.
- ↑ «Certificazioni - FIMI» (på italiensk). Henta 19. februar 2019.
- ↑ Música, El portal de. «SOLDI - MAHMOOD | EPDM» (på engelsk). Henta 11. april 2020.
- ↑ «Les certifications» (på fransk). Henta 11. april 2020.
- ↑ 19,0 19,1 «Certificazioni - FIMI» (på italiensk). Henta 11. april 2020.