Provinsen Makedonia
Makedonia var ein romersk provins. Han vart offisielt etablert i 146 f.Kr. etter at den romerske generalen Quintus Caecilius Metellus sigra over Andriskus av Makedonia i 148 f.Kr., og etter at fire klientrepublikkar som var etablerte av Romarriket i regionen vart oppøyste. Epiros Vetus, Thessalia og delar av Illyria og Thrakia var med i provinsen.
![](http://upload.wikimedia.org/wikipedia/commons/thumb/0/08/Map_Macedonia_province.png/220px-Map_Macedonia_province.png)
I dei 3. og 4. århundra vart provinsen delt inn i Makedonia Prima i sør og Makedonia Salutaris i nord.
Makedonia Prima og Makedonia Salutaris var inkludert i bispedømet Makedonia, eit av tre bispedøme som var inkludert i pretorianarprefekturet Illyricum som vart organisert i 318. Då prefekturet Illyricum vart delt i eit vestleg og eit austleg Illyricum i 379, vart dei makedonske provinsane inkludert i det austlege Illyricum. Etter delinga av Romarriket i eit vestleg og eit austleg rike i 395, gjekk Makedonia inn i Austromarriket.