Hild

Hild er saman med Hilda og Hilde moderne former for det norrøne hildr, eit ord som tyder 'strid'. På islandsk er det blitt til namnet Hildur, som òg er i bruk i Noreg.

Namnedel og namn

Som førsteledd kan hild eller hilde brukast i både manns- og kvinnenamn. Som sisteledd markerer det derimot eit kvinnenamn.

Namn med hild som førsteledd: Kvinnenamn Mannsnamn Hildborg Hildebjørg Hildefrid Hildegard Hildegunn Hildora Hildrun Hildunn Hilberg Hilbert Hildebjørn Hildebrand Hildemar Hilding

Namn med hild som sisteledd: Alvhild Arnhild Audhild Bjørnhild Brynhild Gunnhild Inghild Kristhild Magnhild Ragnhild Svanhild Torhild Ulvhild

Bruk

Det var i 2005 om lag 300 som heiter Hild, 1 200 som heitte Hilda, 2 000 som heitte Hildur og 18 400 som heitte Hilde i Noreg. Hild er dermed eit nokså uvanleg namn, brukt av 0,01 % av norske kvinner.

Valkyrja Hild i Hjaðningavíg. Biletstein frå Gotland.

Hild i kulturen

«Hild-soga» eller Hjaðningavíg er ei norrøn soge om bortføringa av Hildr, dotter av Hǫgni, og det store slaget som følgde. Hildr er blitt rekna som ei valkyrje.

Kjende namneberarar

Lista er ordna kronologisk etter fødselsår.

• Den heilage Hild eller Hilda av Whitby, engelsk helgen frå 600-talet

• Hild Sørby, norsk professor i estetiske fag
• Hild Rolvsdotter, norsk skald
• Hild Sofie Tafjord (f. 1974), norsk jazzmusikar

Bakgrunnsstoff

• Søk etter norsk namnestatistikk for Hild hjå Statistisk Sentralbyrå