Edda

Edda er eit kvinnenamn med ulike historier. Me kan finna eit norrønt, eit fellesgermansk og eit italiensk. Det er best kjent som namnet på dei to bøkene som har gjeve ettertida mest kunnskap om norrøn gudetru, den eldre Edda og den yngre Edda. Kvada som står i bøkene blir gjerne kalla eddadikt.

Norrøn tyding

Det er uklårt kva namnet «Edda» i norrøn tradisjon tyder. Det var namnet til ei av kvinnene Heimdall fekk barn med i Rigstula. Det skulle der tyda oldemor, og Edda var stammor til trellane.

Ein har hevda at Snorres Edda, eller den yngre Edda, fekk namnet sitt av di ho inneheldt kunnskap frå gamal tid, gamal som ei oldemor. Andre tenkjer seg at det er ei avleiing av Oddi, der Snorre Sturlasson vart utdanna, eller at ordet ganske enkelt tyder 'poetikk'. Ei anna forklaring er at det er ei norrøn form av latinsk edo, «eg skriv». I Orkneyinga saga finn me forma kredda for latinsk credo. Som den ordmeistaren Snorri var, kan ein tenkja seg at han hadde fleire av desse tydingane i tankane, og laga tittelen mesta som eit ordspel.

Som kvinnenamn blir det brukt av dotter til kong Hårek i soga Bósa saga og Herrauðs frå rundt 1300.

Germansk tyding

Namnet Edda kan vera ei kortform av namn som byrja med Ed- eller Ead-, som tyder 'rikdom', eller Edel-, som tyder 'edel' eller 'adeleg'. Slike namn, som Edwina og Edelgard, har vore særleg vanlege i Tyskland og England.

Italiensk tyding

Edda er avleia av Hedda, som igjen er ei kortform av Hedvig og tyder strid eller krig.

Namneberarar

Edda Mussolini (1910-1995), dotter av Benito Mussolini
Edda van Heemstra var pseudonymet til skodespelaren Audrey Hepburn (1929-1993)
Edda Buding (f. 1936), tysk tennisspelar
Edda Moser (f. 1938), tysk operasongar
Edda Manga (f. 1969), svensk historikar

Sjå òg

Eddafeltet, eit oljefelt i Nordsjøen. Feltet var i produksjon frå 1979 til 1998
Tidsskriftet Edda, nordisk tidsskrift for litteraturforskning, som har vorte utgjeve frå 1914
Edda kino, eit kinosenter i Haugesund

Bakgrunnsstoff

Den yngre Edda på norrønt fra prosjektet «Norrøne Tekster og Kvad»
Den eldre Edda på norrønt fra prosjektet «Norrøne Tekster og Kvad»
Den eldre Edda på norsk fra prosjektet «Norrøne Tekster og Kvad» (fleire utgåver på norsk)
CyberSamurai Encyclopedia of Norse Mythology: Den yngre Edda på norrønt Arkivert 2006-09-06 ved Wayback Machine.
CyberSamurai Encyclopedia of Norse Mythology: Den yngre Edda på engelsk Arkivert 2006-10-06 ved Wayback Machine.
CyberSamurai Encyclopedia of Norse Mythology: Den eldre Edda på norrønt Arkivert 2006-04-25 ved Wayback Machine.
CyberSamurai Encyclopedia of Norse Mythology: Den eldre Edda på engelsk Arkivert 2006-04-25 ved Wayback Machine.