Waar
Waar a stiet a aam kanflik bitwiin sasayati. Ijinarali kiaraktaraiz bai exchriim kalektiv agreshan, dischrokshan, ah yuujali ai maataliti. Absens a waar yuujali kaal "piis". Tuotal waar a waarfier we no rischrik tu suoso lijitimet milichri taagit, ah kiah rizolt ina masiv sivilian kiajalti ar ada nan-kombatant kiajalti.
Wails som skala si waar az yunivoersal ah ansischral aspek a yuuman niecha,[1] adawandem aagiu se a onggl di rizolt a spisifik suosho-kolchral ar ikalajikal soerkomstans.[2]
Ina 2013 waar rizolt ina 31,000 det dong frah 72,000 det ina 1990.[3] Di dedlies waar ina ischri, bai di kiumiletiv nomba of det sens itaat, a di Sekan Wol Waar, frah 1939 tu 1945, wid 60–85 milian det, fala bai di Manggal kangkues[4] we eh muo dah 41 milian.[5] Propuoshanali spiikin, di muos dischroktiv waar ina madan ischri a di Waar a di Chripl Alayans, we tek di laif a uoba 60% a Paragwai papilieshan, askaadn tu Stiivn Pingka (Steven Pinker). Ina 2003, Richad Sumaali (Richard Smalley) aidentifai waar az di sixt (outa ten) bigis prablem a-fies yuumaniti fi di nex fifti ier.[6] Waar yuujali rizolt ina signifikant ditiiriarieshan a infrachokcha ah di ikosistim, dikriis ina suoshal spenin, famin, laaj-skiel emigrieshan frah di waar zuon, ah noftaim di mischriitment a prizna a waar ar sivilian.[7][8][9] Aneda baiprodok a som waar a di privalens a prapagianda bai som ar aal paati ina di kanflik,[10] ah ingkriis revinyuu fi wepan manifakchra.[11]
Refrans
[change up | change up di source]- ↑ Šmihula, Daniel (2013): The Use of Force in International Relations, p. 67, ISBN 978-80-224-1341-1.
- ↑ James, Paul; Friedman, Jonathan (2006). Globalization and Violence, Vol. 3: Globalizing War and Intervention. London: Sage Publications. http://www.academia.edu/3587732/Globalization_and_Violence_Vol._3_Globalizing_War_and_Intervention_editor_with_Jonathan_Friedman_Sage_Publications_London_2006.
- ↑ GBD 2013 Mortality and Causes of Death, Collaborators (17 December 2014). "Global, regional, and national age-sex specific all-cause and cause-specific mortality for 240 causes of death, 1990-2013: a systematic analysis for the Global Burden of Disease Study 2013.". Lancet 385: 117–71. Template:Citation error. PMID 25530442.
- ↑ *The Cambridge History of China: Alien regimes and border states, 907–1368, 1994, p.622, cited by White
*Matthew White (2011-11-07). The Great Big Book of Horrible Things: The Definitive Chronicle of History's 100 Worst Atrocities. - ↑ Manggal Kangkues
- ↑ "Top Ten Problems of Humanity for Next 50 Years", Professor R. E. Smalley, Energy & NanoTechnology Conference, Rice University, May 3, 2003.
- ↑ Tanton, John (2002). The Social Contract. p. 42.
- ↑ Moore, John (1992). The pursuit of happiness. p. 304.
- ↑ Baxter, Richard (2013). Humanizing the Laws of War. p. 344.
- ↑ Dying and Death: Inter-disciplinary Perspectives - Page 153, As a Kasher - 2007
- ↑ Chew, Emry (2012). Arming the Periphery. p. 49.
