Etuna
Etuna ma getuna, (Li Indonesia kubangan) ya'ia da'ö naha si fatambu, si so idanö ma'ifu, ba tanö sombuyu aefa deu, si tola mangetuna khönia gurifö ma utundru'u. Urifö sangetuna simane bawi, sökha, öröbao. Urifö sangetua mo'ohitö dödö enaö okafu mboto ba enaö göi areu ndri wangusu ya'ira nano falemba dambu sombuyu ba gulira.
Ngawalö gurifö ma utundru'u sangetuna
[bulö'ö | bulö’ö kode]Bawi
[bulö'ö | bulö’ö kode]![](http://upload.wikimedia.org/wikipedia/commons/thumb/6/68/Cerdo_negro_canario.jpg/220px-Cerdo_negro_canario.jpg)
Meföna ba Danö Niha sanguri bawi tenga ha ba mba'o labe'e mbawi, ba hiza'i oya nidudu ma nifoloi ba narö göli. Arö göli andrö sito'ölönia naha gowi sino mukölini. Ba ba dalu narö göli oya tesöndra getuna nihaogö mbawi moroi ba wanula-nulagönia tambu, ba na moteu ba totane nidanö bakha ba zino isusulagö bawi, itugu ara ba itugu mangebua tobali etuna sebua nahia wemondri mbawi.
Öröbao
[bulö'ö | bulö’ö kode]![](http://upload.wikimedia.org/wikipedia/commons/thumb/b/b4/Golden_hour_at_bekol_savannah.jpg/220px-Golden_hour_at_bekol_savannah.jpg)
Öröbao ilau göi mangetuna wangokafui mboto. Etuna göröbao egebua moroi ba getuna zökha, ba itaria göi mangeuna ma mondri öröbao ba nungo nidanö sahatö ba ziso göröbao.
Sökha
[bulö'ö | bulö’ö kode]Ba gatua tesöndra gutundru'u sangetuna ya'ia zökha. Etuna zökha arakhagö fagölö ira getuna mbawi siso barögöli awai ya'i etuna zökha asese tesöndra ba mbörö geu, ba ba nahia da'ö mangetuna zökha sebua ba sökha sigide-ide bawangokafui mbotora. Ba Danö Niha itaria tesöndra sökha sebua, si no anau ifö ba so khönia göri, ba na mangetuna zökha siso göri, ba si'oföna ikhaigö ua yaŵa ba ndraha nono geu göri siso ba nifönia sanau. Göri zökha ba no lafaduhusi tödö niha wa göri zökha andrö so wa'abölö sitola labali'ö öba (Li Indonesia kebal) ira sangokhögö ya'ia. Ba hiza ba wanga'i ya'ia tenga saoha, so ma'ifu wa'abarani, bawokalaisi zökha me i'ila na lahalö görinia. No lafati wa mo fa'abölö göri zökha andrö. [1]
Da'a tenga ha ba Danö Niha göi ba mbanua tanö bö'ö si so ba Indonesia, so göi khöra göri zökha, nitötöi rantai babi. Ba danö Aceh meföna no ara la'ila göi göri zökha, ba no möi Öba khöra ba wolaŵa niha Balanda me luo da'ö, hiza göri zökha si no tobali hazima khöra, fanaha mbalatu ba lö i'a ira fana.[2]
Umbu
[bulö'ö | bulö’ö kode]- ↑ Laia, Gabriel (19 Desember 2018). "Wahana Religi Nias". Blogspot.Com, mufaigi me 26 Nopember 2020
- ↑ Abonita, Rino (10 Pebruari 2019). "Kisah Tengku di Aceh yang Kebal Berkat Jimat Rantai Babi". Liputan6.Com, mufaigi me 26 Nopember 2020