Amaedola

Amaedola ya'ia da'ö no sambua lala wehede sangoguna'ö maedo-maedo ma duma-duma ba wamaehagö gofu hadia ia zomasi lafa'ema ma lafaehagö niha. Bahiza same'e abölö tedou gamaedola moroi ba lala wehede tanöbö'ö, ya'ia me sökhi wama'oli fangumaö ya'ia hulö nihohoni irege tenga ha ami ba dödö bahiza ami göi wamondrongo, me sökhi wongandrotoi famaehagö ya'ia molo'ö ösi dunöŵa, me nifomaedo-maedo ma nifoduma-duma, me nihaogö wongandrotoi wanguŵa'ö ya'ia ena'ö abölö abakha ba mangarakha, alio fatema, ba adöni dödö zamondrongo.

Ero soi so khöra gamaedola. Ba soi Melayu (ba iada'a ba Indonesia) so nifotöi "perumpamaan" ma "peribahasa", nihaogö fama'oli ya'ia irege terongo ia hulö wehede nifagema-gema si fakhili li (asese lafotöi ia göi "pantun" ba li Indonesia). Bakha ba Zura Ni'amoni'ö oya sibai gamaedola, he amaedola si so bakha ba huhuo awö nidunö-dunö (simane ba zura Amaedola Zelomo ma zui Sinunö Sebua, btn.) ba he amaedola ni'anunöisi (simane ba zura Sinunö Dawido, btn.).

Simanö göi ba Danö Niha to'ölö sibai wangoguna'ö amaedola. Töra moroi ba da'ö la'oguna'ö gamaedola ira Ono Niha arakhagö ero na fahuhuo ira. Duma-dumania bakha ba

• Huhuo hada
• Fangowai ba fame'e afo
• Maola-maola
• Olola mbawi walöŵa
• Bölihae
• Fame dahö sumange
• Hendri-hendri
• Fame'e ba famotu ono nihalö
• Folaya
• Fanika era-era mböwö
• Fanutunö maena
• Fanutunö nga'ötö
• Debu-debu
• Mene-mene
• Manö-manö
• Fo'ere
• Hoho
• Ho'ae
• Lailö
• btn.

Duma-duma gamaedola Nono Niha:

• Wa'afero harinake, wa'aisö daguli; hadia sibai mbörö zami, harinake taroma li.
• Hulö we'aso luo moroi yaŵa, takile humaga; me tohare la'oda, molakhömi mozaŵa-zaŵa.
• Hulö la'asioni gola lö falemba asio; hulö latiloi mbulu dalö, lö falemba idanö.
• Hadia mbörö gotari gotara, hadia mbörö wa owulo ita.
• To'ese-ese mburuti, tedou-dou wa'asökhi; to'ese-ese da'una, tedou-dou wa'ogaena.
• btn.

Khai-khai baero

• Ngawalö Gamaedola (Wikibuku Nias)
• Ngawalö Gamaedola (Wikikamus Nias)