होमर
![](http://upload.wikimedia.org/wikipedia/commons/thumb/0/0b/William-Adolphe_Bouguereau_%281825-1905%29_-_Homer_and_his_Guide_%281874%29.jpg/220px-William-Adolphe_Bouguereau_%281825-1905%29_-_Homer_and_his_Guide_%281874%29.jpg)
होमर (युनानी भाय:Ὅμηρος होमेरोस्) छम्ह नांजाम्ह प्राचीन युनानी चिनाखँमि ख:। परम्परागत रुपय् करिब ८गू शताव्दी ईपूस म्वानादिम्ह वय्कलं "ईलियाड" व "ओडिसी" रचना यानादिगु धैगु विश्वास दु। युनानी बाखँ कथं होमर छम्ह कां मनु ख:। वय्कःया जन्म आयोनिक तापूइ जूगु धैगु विश्वास दःसां निश्चित रुपय् गन जूगु धैगु दसु मदु। हानं, विज्ञतेसं "होमर" धाःम्ह छम्ह मनू जूगु वा प्राचीन महाकाव्य ब्वनिपिं मनूतेगु पुचः खः धाइगु विषयय् नं विवाद दु।
प्राचीन ग्रीक भासय् "होमेरोस" धाःगु "अपहरित मनु" ख:। छपू सिद्धान्त कथं थ्व नां होमेरिडे अर्थात अपहरित वा युद्धबन्दी मनूया खँग्वलं उत्पत्ति जूगु ख। प्राचीन ग्रीसय् युद्धबन्दीपिन्त ऐतिहासिक काव्यत: लुमंका तयेगु व कनिगु ज्या बिया तःगु जुइमा धैगु, थ्व सिद्धान्तया विश्वास दु|
इलियाड व ओडिसीछम्ह हे मनूं च्वःगु धैगु विषयय् विवाद दु। छुं विज्ञतेसं ला ओडिसी काव्य हे छम्ह मनूं च्वःगु मखु धैगु विचाः तःगु दु।