Zachary Taylor

Zachary Taylor (* 24. Dezember 1784 in Barboursville, Virginia; † 9. Juli 1850 in Washington (D.C.)) weer een US-amerikansch General un 12. Präsident van de USA.

Sien Ökelnaam weer Old Rough and Ready. Van sien Utbildung her weer he Suldat un neem ok all an de Britsch-Amerikaansch-Krieg 1812 deel. 1845, bi de Annexschoon van Texas wurr he mit een Expeditschoonskorps an de Rio Grande henschickt, de he mit een Ünnerlegenheet van 1:4 tegen de mexikaansch Armee hollen hett. Disse Tüschenfall föhr denn to de Krieg gegen Mexiko, bi de Taylor Siege in Monterrey und Buena Vista errungen hett. Präsident Polk kunn Taylor aber nich af und hett hüm den blots in'n Noorden insett, General Winfield Scott drüff dorgegen in Mexiko-Stadt inmarscheeren.

1848 wurr Taylor wegen wegen sien militärisch Erfolge van de Whig-Partei as Kandidat upstellt un kunn sük tegen de Kandidat van de Demokraten, Lewis Cass dörsetten, wiels de in de Noordstaaten van de Free-Soil-Party (Kandidat: Martin van Buren), de sük strikt tegen de Slaveree utspreken de, wichtig Stimmen aftrukken wurrn sünd. So weer he denn siet 4. März 1849 Präsident van de USA.

Ofschoon he ut de Süüdstaaten keem un ok Slaaven harr, weer he för de Eenheet van de Union. He hett sogor droht, falls dat een Sezession geev, dat he persönloch de Armee tegen de Süüdstaaten föhren wull. De Föhrers van de Süüdstaaten wull he denn as Hochverräters dotscheeten laten. Sien to fro'e Dood un de Upnahm van Kalifornien as slaavenfree Staat 1849 hebbt de Weg platt makt för de Kompromiss vun 1850, de ünner sien Viezpräsident un Nahfolger Millard Fillmore uthannelt wurrn is.

Taylor starv as tweete US-Präsident in't Amt. he harr bi een Fier to de Natschonalfierdag slecht woorn Melk un Kassen to sük nommen un is een paar Dag later an een Lebensmiddelvergiftung storben.

He weer verheiraat un harr een Söhn und fiev Dochters.

Weblenken

Zachary Taylor. Mehr Biller, Videos oder Audiodateien to’t Thema gifft dat bi Wikimedia Commons.

Biographie (engl.) in NNDB

Präsidenten vun de USA