Wiepenkathen

Wapen/Flagg

Koort

Basisdaten

Bundsland: Neddersassen

21684

04141

Koordinaten:53° 35′ N, 9° 25′ O53° 35′ N, 9° 25′ O

Wiepenkathen is en Dörp in de Gemeen Stood in Neddersassen. Dat hett so bi 4000 Inwahners. Bi Wiepenkathen höört ok de lüttje Oort Parlbarg.

Geografie

De Oort liggt veer Kilometer süüdwesten von de Stoder Binnenstadt an de Bundsstraat 74.

De Swing flütt in’n Oosten so bi annerthalv Kilometer weg an Wiepenkathen vörbi.

Historie

Ut Wiepenkathen gifft dat en Reeg Funnen ut de Vörtied, vör allen en groot Grafffeld ut de Bronztied.

Dat hüdige Wiepenkathen dükert 1204 as Wiberkote toeerst in de Oorkunnen op, as Hinnerk V. den Oort tohoop mit Haddörp an dat Klooster St. Marien schenkt hett. 1848 harr dat Dörp 29 Hüüs un 170 Inwahners^[1].

1972 is de Oort bi de Gemeenreform in Neddersassen Deel von de Stadt Stood worrn.

Inwahnertall

Johr	Inwahners
1824-00-001824^[2]	23 Füürsteden
1848-00-001848^[3]	170 Lüüd, 29 Hüüs
1871-12-011. Dezember 1871^[4]	224 Lüüd, 36 Hüüs
1910-12-011. Dezember 1910^[5]	282
1925-00-001925^[6]	339
1933-00-001933^[6]	328
1939-00-001939^[6]	346

Wapen

Dat Wapen von Wiepenkathen wiest op sülvern Grund en blauen Striepen von baven na ünnen. Op den Striepen liggt en sülvern Fuustkiel.

Religion

Wiepenkathen is evangeelsch-luthersch präägt un höört to de Karkengemeen von de Markus-Kark in Hahl. Vördem de Karkengemeen 1965 grünnt worrn is, hett Wiepenkathen to dat Kaspel von de Cosmae-Kark in Stood tohöört.

Politik

Wiepenkathen is Deel von de Stadt Stood, hett aver as Oortschop en egen Oortsraad un Oortsbörgermeester. De Oortsraad hett 15 Maten.

Sitten in’n Oortsraad
Johr	CDU	SPD	Unafhängige Wählerlist
2006^[7]	10	4
2011^[7]	6	5	4

Oordsbörgermeester is Horst Deede.

Kultur

Verenen

De Schützenvereen Wiepenkathen is 1952 grünnt worrn. De Freewillige Füürwehr gifft dat siet 1928. De Sportvereen TSV Wiepenkathen hett sik 1924 grünnt un 1934 wedder oplööst. He is denn aver 1950 wedder neegrünnt worrn. Ans gifft dat an Oortsverenen noch den Tennis-Club Wiepenkathen un en Choor.

Weertschop un Infrastruktur

In dat Dörp gifft dat en Filiaal von de Spoor- un Kreditbank Hammoh. 1913 is in Wiepenkathen mit de Spoor- un Dorlehnskass Wiepenkathen en egene Bank grünnt worrn, de 1965 dör Fusion mit de Spoor- un Kreditbank Hammoh tohoopgahn is.

Verkehr

Afsehn von en lütten Weg na Lütt Thun is Wiepenkathen bloot över de B 74 mit annere Öörd verbunnen. De B 74 drippt sik in’n Noorden von dat Dörp mit de B 73. Na Süden is de Oort över de B 74 mit Swing un Hogenoh verbunnen. Na Westen to is Wiepenkathen dör dat ole Wittenmoor afslaten un na Oosten to dör de Swing.

Per Bus is dat Dörp över de Lien 2009 mit Stood verbunnen. De nächste Bahnhoff is de Bahnhoff Stood an de Nedderelvbahn.

Scholen

Wiepenkathen hett en Grundschool mit 183 Schölers un 20 Schoolmeesters in negen Klassen (Schooljohr 2010/2011). De School dükert 1741 toeerst in de Oorkunnen op. 1937 is de ole School afbrennt un denn an sien hüdige Steed an de Ole Dörpstraat un Swinger Ackerweg nee boot worrn. 1969 is de School von en Volksschool in en Grundschool ümwannelt worrn. De Middelschool weer denn in Hohenwedel oder för dat Gymnasium de Vincent-Lübeck-School in Stood.

Literatur

Jürgen Bohmbach: Wiepenkathen: Dorf zwischen Moor und Heide. eine Orts- und Schulchronik. Stood 1991

Footnoten

↑ Statistisches Handbuch für das Königreich Hannover 1848. Sied 139
↑ C. H. Jansen: Statistisches Handbuch des Königreichs Hannover. 1824, Sied 664: http://books.google.de/books?id=tG0AAAAAcAAJ&pg=PA664
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143
↑ http://www.gemeindeverzeichnis.de/gem1900/gem1900.htm?hannover/stade.htm
↑ ^a ^b ^c http://www.verwaltungsgeschichte.de/stade.html
↑ ^a ^b http://tageblatt.de/main.cfm?MID=20579&Orig_DID=2154440&DID=2154440

Weblenken

Wiepenkathen. Mehr Biller, Videos oder Audiodateien to’t Thema gifft dat bi Wikimedia Commons.

Öörd in de Gemeen Stood

Bützfleet | Haddörp | Hagen | Stood | Wiepenkathen

[1] Statistisches Handbuch für das Königreich Hannover 1848. Sied 139

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 664: http://books.google.de/books?id=tG0AAAAAcAAJ&pg=PA664

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139

[InwahnertallRef3-4] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143

[InwahnertallRef4-5] ttps://www.gemeindeverzeichnis.de/gem1900/gem1900.htm?hannover/stade.htm

[verwg.de-6] ttps://www.verwaltungsgeschichte.de/stade.html

[Tageblatt-7] ttps://tageblatt.de/main.cfm?MID=20579&Orig_DID=2154440&DID=2154440

[1]

[2]

[3]

[4]

[5]

[6]

[7]