Whoopi Goldberg
![](http://upload.wikimedia.org/wikipedia/commons/thumb/3/3c/Whoopi_Goldberg_-_Comic_Relief_2006_-_Daniel_Langer.jpg/220px-Whoopi_Goldberg_-_Comic_Relief_2006_-_Daniel_Langer.jpg)
Whoopi Goldberg (börgerlich Caryn Elaine Johnson; * 13. November 1955 in New York City, USA) is en US-amerikaansche Schauspelersche, Singersche un Komikerin.
Leven un Loopbahn
[ännern | Bornkood ännern]Whoopi Goldberg hett al mit 8 Johren op de Bühn stahn. Ehr Ansinnen, Karriere op dat Dorstellerische Rebeet to maken is utgahn vun ehr Vörbild Nichelle Nichols, de in de Feernsehreeg Star Trek as Kommunikatschoonsoffizier Lt. Uhura bekannt worrn is.
Nadem se as Stand-up-Komikerin int Rebeet vun de San Francisco Bay anfungen hett, hett sik Whoopi Goldberg de Een-Fro-Show The Spook Show (op platt De Spöök-Show) utdacht. Dormit wunn se Acht vun Mike Nichols, de disse Show ann Broadway rutbringen de. Dorna stünn se vun’n 24. Oktober 1984 bit to’n 10. März 1985 in ehr egen Show Whoppi Goldberg 156 mol in utverköffte Vörstellen op de Bühn. Dormit hett se sik den eersten Tony Award un en Theatre World Award sekert.
Mit den Film güng dat bi ehr los mit ehr Rull as Celie in den Film The Colour Purple vun Steven Spielberg, de op den gliek nöömten Roman vun Alice Walker baseert. För disse Rull is se 1986 för den Oscar as beste Dorstellersche nomineert worrn. In’n Ansluss doran is se eerst mol wedder torüch na’n Broadway gahn, woneem se wedder in utverköffte Een-Personen-Shows optreden is.
In den gröttsten Deel vun ehr Filmen in de 1980er Johren hett se starke Fronslüüd speelt in licht kummediantische Rullen as in Burglar, Fatal Beauty oder Jumpin’ Jack Flash, mitünner aver ok in familienorienteerte Filmen as Clara’s Heart.
![](http://upload.wikimedia.org/wikipedia/commons/thumb/f/fd/Whoopi_Goldberg_stand_up_for_Rainforest_Action_Network.png/220px-Whoopi_Goldberg_stand_up_for_Rainforest_Action_Network.png)
As se de Gefahr sehn hett, dat se ut de Köpp vun de Apenlichkeit wedder verswinnen künn, hett se ehr Karriere wedderbeleevt mit de Rull as swinnelische Spökenkiekerin in den Film Film Ghost, de Kuntakt opnimmt to en,l de dood bleven is. För disse Rull is se 1990 mit den Oscar as beste Nevendorstellersche uttekent worrn. Ehr Ansehen as beropen Schauspelersche hett se 1992 faster maakt mit Sister Act, in den se en Clubsingesche spelen de, de in en Klooster versteken warrn müss un dor den Chor wedder op Vördermann bröcht hett. Bekannt is se vele Lüüd ünner annern ok dör ehr Gastrull as Guinan in de Feernsehreeg Star Trek: The Next Generation, de se jümmer wedder mol in tosamen 28 Episoden un twee Kinofilmen dorstellt hett.
Goldberg hett bit hüüt wiet mehr as 100 Filmrullen speelt, is tweemol för den Oscar nomineert wesen un hett em eenmol wunnen. Siet 1994 hett se de Oscar-Verlehen ok sülvst veer mol al modereeren dröfft. Ehr egen Sitcom mit den Titel Whoopi is in’n April 2004 na blots een Staffel afsett worrn, wieldat de Tospruch vun de Tokiekers fehlen de. In’n September 2007 hett se de Steed vun Rosie O’Donnell in de US-Panelshow The View innahmen.
Privatleven
[ännern | Bornkood ännern]1980 hett Whoopi Goldberg en Dochter to Welt bröcht, man de Eh vun den Vadder vun dat Kind güng noch in’t glieke Johr uteneen. 1986 hett se den hollännschen Kameramann David Claessen heiraadt, man ok de Eh is wedder scheedt worrn.
Dit un dat
[ännern | Bornkood ännern]- Whoopi Goldberg is 1999 mit den Vanguard Award vun de Gay and Lesbian Alliance Against Defamation uttekent worrn för ehr bannige Ünnerstütten vun de Homosexuellen-Gemeenschop.
- An’n 17. September 2003 is se Botschopperin vun’n Goden Willen vun de UNICEF worrn.
- Se hett in ehrn Besitt en egen Hotel in New York City ünner den Naam Le Mont Hotel.
- Ehr Synchroonstimm op Hoochdüütsch is in meist all ehr Filmen de Schauspelersche Regina Lemnitz. Goldberg geev 2007 dat Enn vun ehr Schauspelerkarriere bekannt, man se will tokamen noch wieter as Moderatersche arbeiten.
Filmografie (Utwahl)
[ännern | Bornkood ännern]Johr | Titel | Synchroonsnacker |
---|---|---|
1985 | The Colour Purple dt.: Die Farbe Lila |
Regina Lemnitz |
1986 | Jumpin’ Jack Flash | Regina Lemnitz |
1987 | Burglar dt.: Die diebische Elster |
Regina Lemnitz |
1987 | Fatal Beauty | Regina Lemnitz |
1988 | Clara’s Heart dt.: Claras Geheimnis |
Regina Lemnitz |
1988-93 | Star Trek: The Next Generation, Feernsehreeg dt.: Raumschiff Enterprise – Das nächste Jahrhundert |
Regina Lemnitz, Marianne Groß |
1989 | Homer and Eddie | Regina Lemnitz |
1990 | Ghost dt.: Ghost – Nachricht von Sam |
Marianne Groß |
1991 | Soapdish dt.: Lieblingsfeinde – eine Seifenoper |
Regina Lemnitz |
1992 | Sister Act dt.: Sister Act – Eine himmlische Karriere |
Regina Lemnitz |
1993 | Made in America | Regina Lemnitz |
1993 | Sister Act 2 dt.: Sister Act 2 – In göttlicher Mission |
Regina Lemnitz |
1994 | Star Trek: Generations dt.: Star Trek – Treffen der Generationen |
Regina Lemnitz |
1994 | Corrina, Corrina | Regina Lemnitz |
1995 | Boys on the Side dt.: Kaffee, Milch und Zucker |
Regina Lemnitz |
1995 | Moonlight and Valentino dt.: Moonlight & Valentino |
Regina Lemnitz |
1996 | The Associate dt.: Wer ist Mr. Cutty? |
Regina Lemnitz |
1996 | Bogus | Regina Lemnitz |
1998 | How Stella Got Her Groove Back dt.: Stella’s Groove: Männer sind die halbe Miete |
|
1998 | A Knight in Camelot, Feernsehfilm dt.: Ein Ritter in Camelot |
Regina Lemnitz |
1999 | Alice in Wonderland, Feernsehfilm dt.: Alice im Wunderland |
Regina Lemnitz |
1999 | Girl, Interrupted dt.: Durchgeknallt |
Regina Lemnitz |
1999 | The Deep End of the Ocean dt.: Tief wie der Ozean |
Regina Lemnitz |
2001 | Monkeybone | Regina Lemnitz |
2001 | Rat Race dt.: Rat Race – Der nackte Wahnsinn |
Regina Lemnitz |
2002 | Star Trek: Nemesis dt.: Star Trek – Nemesis |
Regina Lemnitz |
2002 | It’s a Very Merry Muppet Christmas Movie, Feernsehfilm dt.: Das Größte Muppet Weihnachtsspektakel aller Zeiten |
Regina Lemnitz |
2003 | Good Fences, Feernsehfilm | |
2003-04 | Whoopi, Feernsehreeg | Regina Lemnitz |
2006 | Homie Spumoni dt.: Homie Spumoni – Mein anderes Ich |
Regina Lemnitz |
2007 | If I Had Known I Was a Genius | |
2009 | Stream | |
2010 | The Little Engine That Could, Stimm dt.: Die kleine blaue Lokomotive |
Almut Zydra |
2011 | A Little Bit of Heaven dt.: Kein Mittel gegen Liebe |
Regina Lemnitz |
2014 | A Day Late and a Dollar Short, Feernsehn | |
2014 | Big Stone Gap | |
2015 | Black Dog, Red Dog | |
2015 | Delores & Jermaine, Feernsehn | |
2016 | King of the Dancehall | |
2017 | A Very Sordid Wedding | |
2017 | 9/11 |
Utteken un Priesen
[ännern | Bornkood ännern]För ehr tallrieken Filmen hett Whoppi Goldberg bit 2008 achtundörtig Filmpriesen wunnen un weer noch wietere 37 mol nomineert. Wunnen hett se en grote Tall an beropen Priesen, as de nafolgen Utwahl wiest:
- 1985: den NBR Award in den Kategorie Beste Schauspelersche för The Colour Purple.
- 1986: den Golden Globe in den Kategorie Best Hööftdorstellersche – Drama för The Colour Purple.
- 1991: den Oscar in den Kategorie Beste Nevendorstellerin för Ghost.
- 1991: den Golden Globe in den Kategorie Beste Nevendorstellersche för Ghost
- 1991: den Saturn-Award in den Kategorie Best Blangenrull vun en Fro för Ghost.
- 1991: den American Comedy Award in den Kategorie Lustigste Nevendorstellersche in en Speelfilm för Ghost.
- 1991: den BAFTA Award in den Kategorie Beste Nevendorstellersche för Ghost.
- 1991: den Humanitarian Award.
- 1993: den American Comedy Award in den Kategorie Lustigste Dorstellersche in en Speelfilm för Sister Act.
- 1993: den ShoWest Award in den Kategorie Dorstellersche vun’t Johr.
- 1994: den Image Award in den Kategorie Rutragen Hööftdorstellersche in en Speelfilm för Sister Act.
- 1999: den Image Award in den Kategorie Rutragen Nevendorstellersche in en Speelfilm för How Stella Got Her Groove Back.
- 1999: den Vanguard Award.
- 2001: ehrn Steern op’n Walk of Fame.
- 2001: den Crystal Award.
- 2003: den Gracie in den Kategorie Best Filmproduzent för Strong Medicine.
- 2004: den Image Award in den Kategorie Rutragen Dorstellershe in en Feernsehreeg, Minireeg oder Drama-Spezial för Good Fences.
- 2008: den Vision Award in den Kategorie Best Dorstellen – Kummedie för The Word According to Whoopi.