Urban III.
Urban III. (* um un bi 1120 in Mailand; † 20. Oktober 1187 in Ferrara), oorsprünglich Uberto Crivelli, weer van 25. November 1185 bit to sien Dood Paapst.
As Angehöriger vun en Mailänder Familie stunn he as de meesten Lombarden in Oppositschoon to Kaiser Friedrich I. Barbarossa. 1168 wurr he Archidiakon vun Bourges un Mailand; Bischop vun Vercelli; an' 9. Januar 1185 todem Arzbischop vun Mailand. An' 17. Dezember 1182 wurr he vun Paapst Lucius III. as Kardinal in dat Kardinalskollegium upnommen. Hüm wurr de Titelkark San Lorenzo in Damaso towiest.
An' 25. November 1185 wurr he in Verona as Nahfolger vun de an den glieker Dag storven Paapst Lucius III. to'n Paapst wählt; sien Amt as Arzbischop vun Mailand behull he.
Bemühungen um en Verständigung mit den Kaiser sünd scheitert. Bi de Hochtiet vun Konstanze von Sizilien mit den Thronfolger Heinrich VI. in Mailand leet he sück twee Kardinäle vertreeden. As de Stadt Cremona, woll mit Weeten un Billigung vun de Paapst, gegen den Kaiser revolteeren dee, wurr de vun Barbarossa ünnerworfen, de mit Ünnerstütten vun de düütsch Geistlichkeit apen den Paapst för den Upstand verantwortlich maaken dee.
As de Inflootberiek vun den Paapst meest blots noch up Verona beschränkt weer – Heinrich VI. harr meest de gesamte Lombardei ünner sien Herrschap brocht – hett Urban III. in' Striet mit de weltlich Macht inlenkt un begeev sück up en Reis nah Venedig to de sück dor versammeln Krüüzfohrern.
An' 20. Oktober 1187 is he in Ferrara storven, angeblich ut Bestürzung över de Eroberung vun Jerusalem dör Sultan Saladin an' 2. Oktober vun dat Johr.
Literatur
[ännern | Bornkood ännern]- Paolo Grillo: Urbano III. In: Massimo Bray (Hrsg.): Enciclopedia dei Papi, Istituto della Enciclopedia Italiana, Band 2 (Niccolò I, santo, Sisto IV), Rom 2000, OCLC 313581688, S. 311–314 (italieensch).
- Georg Kreuzer: Urban III. In: Biographisch-Bibliographisches Kirchenlexikon (BBKL). Band 15, Bautz, Herzberg 1999, ISBN 3-88309-077-8, Sp. 1394–1395.
- Werner Maleczek: Urban III. In: Lexikon des Mittelalters (LexMA). Band 8, LexMA-Verlag, München 1997, ISBN 3-89659-908-9, Sp. 1284.
Weblenken
[ännern | Bornkood ännern]
- Urban III. In: Salvador Miranda: The Cardinals of the Holy Roman Church, online up fiu.edu, Websteed vun de Florida International University, afropen an’ 5. Dezember 2014. (engelsch)
| Vörgänger | Amt | Nafolger |
| Lucius III. | Paapst 1185 - 1187 |
Gregor VIII. |