San Pedro Town
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 71 km² | |
| Inwahners: | 11.884 (2010) | |
| Inwahnerdicht: | 167,4 Inwahners pro km² | |
| Geograafsche Laag: | Koordinaten:17° 55′ N, 87° 58′ W17° 55′ N, 87° 58′ W | |
|
| ||
.jpg)
San Pedro Town oder kort San Pedro is en Lüttstadt (Town) op dat Eiland Ambergris Caye in’n Distrikt Belize von dat Land Belize.
Geografie
[ännern | Bornkood ännern]De Oort liggt in’n Süden von dat Eiland Ambergris Caye, dat de Bucht von Chetumal von de Karibische See afdeelt un dör’n Boca Bacalar Chico von de Xcalak-Halvinsel trennt is. De Boca Bacalar Chico is ok de Grenz na Mexiko. De See in’n Süden von de Stadt is as Hol Chan Marine Reserve schuult un de Noorden von Ambergris Caye as Bacalar-Chico-Natschonaalpark.
De Küst besteiht vör allen in’n Oosten ut Sandstrand, in’n Westen aver to en groten Deel ut Mangrovenholt. Direkt vör de Küst liggt dat Belize Barrier Reef.
De Naveröörd sünd Xcalak in’n Noordoosten, de Eilannen Caye Caulker un Caye Chapel in’n Süüdwesten un Sarteneja op’n fasten Wall in’n Noordwesten.
Historie
[ännern | Bornkood ännern]De Oort is 1848 grünnt worrn von Lüüd, de vör’n mexikaanschen Kastenkrieg flücht sünd. Dat weer lange Tied en lütt Fischerdörp. Den Status von en Town hett de Oort eerst an’n 27. November 1984 kregen.[1]
Inwahnertall
[ännern | Bornkood ännern]| Johr | Inwahners |
|---|---|
| 1980[2] | 1.125 |
| 1991[2] | 1.849 |
| 2000[2] | 4.499 |
| 2010[3] | 11.884 |
| 2018[4] | 19.477 |
De Inwahners weren bi’n Zensus 2000 to 77 % Mestizen, to 8 % Kreolen un to 4 % Garifuna. De Rest hett sik op de verscheden annern Volksgruppen von Belize opdeelt.[3]
Börgermeesters
[ännern | Bornkood ännern]| Tied | Börgermeester | Partei |
|---|---|---|
| 1984–1988 | Gilberto Gomez | |
| 1988–1991 | Pedro Salazar | |
| 1991–1993 | Baldemar Graniel | |
| 1994–1997 | Manuel Heredia | UDP |
| 1997–2003 | Alberto Nuñez | PUP |
| 2003–2012 | Elsa Paz | UDP |
| 2012– | Daniel Guerrero | UDP |
Kultur
[ännern | Bornkood ännern]Siet 1998 besteiht in San Pedro Town dat Ambergris-Museum.
Een Week vör Aschermiddweken fiert de Oort för dree Daag den Gran Carnaval de San Pedro.
Weertschop un Infrastruktur
[ännern | Bornkood ännern]De Oort leevt meist kumplett von’n Tourismus, besünners Duuktouristen, de in dat Belize Barrier Reef ünnerwegens sünd.
.jpg)
Verkehr
[ännern | Bornkood ännern]
Dat gifft keen Landweg von San Pedro Town weg. De Oort is över’n San Pedro Airport un över Bööd, de in’n Haven anleggen doot, an de Butenwelt anslaten. De Bööd föhrt ünner annern över Sarteneja na Corozal un över Caye Caulker na Belize-Stadt.
Footnoten
[ännern | Bornkood ännern]- ↑ San Pedro celebrates 33 years of township, San Pedro Sun an’n 28. November 2017
- ↑ a b c Zensus 2000 (PDF) von dat Central Statistical Office of Belize
- ↑ a b Zensus 2010 (PDF) von dat Statistical Institute of Belize
- ↑ http://citypopulation.de/Belize_d.html
Weblenken
[ännern | Bornkood ännern]
Belize-Stadt | Bermudian Landing | Biscayne | Boston | Burrell Boom | Caye Caulker | Crooked Tree | Double Head Cabbage | Flowers Bank | Gales Point | Gardenia | Gracie Rock | Hattieville | Isabella Bank | La Democracia | Ladyville | Lemonal | Lords Bank | Lucky Strike | Mahogany Heights | Maskall | Rancho Dolores | Rock Stone Pond | San Pedro Town | Sand Hill | Santana | Scotland Halfmoon | St. George’s Caye | St. Paul’s Bank | Willows Bank