Ronald Ellwin Evans
Ronald Ellwin „Ron“ Evans, Jr. (* 10. November 1933 in St. Francis, Kansas; † 7. April 1990 in Scottsdale, Arizona) weer en US-amerikaansch Astronaut vun de NASA. Bi Apollo 17, den negenten un letzten bemannten Floog to' Maand in' Rahmen vun dat Apollo-Programms, weer he Pilot vun dat Apollo-Kommandomodul.
Leven
[ännern | Bornkood ännern]Nah Afsluss vun de High School in Topeka (Kansas) hett Evans an de University of Kansas studeert un kreeg 1956 sien Bachelor in Elektrotechnik.
Nahdem Evans in' Juni 1957 sien Utbillen to'n Piloten bi de US Navy spoodriek afslooten harr, weer he ansluutend as Pilot un, van Januar 1961 bit Juni 1962, as Utbilder för Kamppiloten tätig. Wiels sien gesamte Deensttiet hett Evans mehr as 5.100 Floogstünn maakt, dorvan ca. 4.600 up Düsenfloogtüüch.
1964 kreeg Evans sien Master in Luftfohrttechnik an de Naval Postgraduate School un is 1966 mit de fievte Grupp vun Astronauten in de NASA intreden.
Ruumfohrertätigkeit
[ännern | Bornkood ännern]Evans weer tonächst för Apollo 7 un Apollo 11 to de Ünnerstüttensmannschap (Support-Crew) todeelt.
Bi Apollo 14 deen he in de Ersatzmannschap as Pilot vun dat Kommandomodul.
Sien eersten un eenzigen Weltruumfloog hett Evans van' 7. Dezember bit to'n 19. Dezember 1972 mit Apollo 17 maakt, den letzten Floog in dat Apollo-Programm to'n Maand. Neben Evans as Pilot vun dat Kommandomoduls America, hebbt ok Eugene Cernan as Kommandant) un Harrison Schmitt as Pilot vun de Maandlandefähr Challenger to de Mannschap. Wiels Cernan un Schmitt up den Maand land sünd, bleev Evans alleen in den Maandorbit un hett in disse Missionsphase fotografische un visuelle Beobachtungen dörführt.
Bit hüüd hollt he mit söss Daag, dree Stünn un 48 Minüüt de Rekord för de längste in' Maandorbit verbrocht Tiet. Up den Rückfloog to de Eer hett Evans de Kommandokapsel för en Weltruumutstieg för een Stünn und söss Minuten verlaaten, um Filmkassetten to bargen un en Inspektschoon vun dat Ruumschipp dörtoführen. Nah 12 Daag, 13 Stünn un 51 Minüüt gung de Mission an' 19. Dezember 1972 to Enn'
Nah Apollo 17 deen Evans in de Ersatzmannschap as Pilot für dat Apollo-Sojus-Projekt.
In' Ansluss an dat Apollo-Programm weer he an de Entwicklung un Planung vun dat Space-Shuttle-Programm bedeeligt. Nah 21 Johren Deensttiet is Evans an' 30. April 1976 ut de US Navy utscheeden. In' März 1977 hett he de NASA verlaaten un övernehm en leitend Positschoon in de Industrie.
Evans is in' April 1990 an Hartverseggen. He hett Fru un twee Kinner achterlaaten.
Besünnerheiten un Rekorde
[ännern | Bornkood ännern]Weblenken
[ännern | Bornkood ännern]
- NASA: Offizielle Biografie (englelsch)
- spacefacts.de: Körtbiografie