Riccardo Montolivo
![](http://upload.wikimedia.org/wikipedia/commons/thumb/c/c4/Riccardo_Montolivo_Euro_2012_vs_England.jpg/220px-Riccardo_Montolivo_Euro_2012_vs_England.jpg)
Riccardo Montolivo (* 18. Januar 1985 in Caravaggio (BG), Italien) is en italieensch Footballspeler. He steiht siet 2012 bi den AC Mailand ünner Verdrag.
Karriere
[ännern | Bornkood ännern]In’ Vereen
[ännern | Bornkood ännern]Vun sien 15. bit 18. Levensjohr speel Montolivo in de Jöögd vun Atalanta Bergamo. In de Saison 2003/04 leep he för de eerste Mannschap in de Serie B un in de Folgesaison in de Serie A up. Sien Debüt geev he an’ 12. September 2004 (1. Speeldag) bi dat 2:2 in dat Heimspeel gegen US Lecce; sien eerst Door hett he an’ 23. Oktober 2004 (7. Speeldag) bi dat 2:2 in’t Heimspeel gegen Cagliari Calcio.
Mit Saisonbeginn 2005/06 is Montolivo to’n Ligakonkurrenten AC Florenz wesselt un hett dor twee Speeltieden afsolveert ünner annern an de Siet vun Luca Toni. Later wurr he dor sogor Mannschaftskapitän.[1]
To de Saison 2012/13 hett he ahn Aflöös bi AC Mailand anhüert un hett dor en Verdrag bit to’n 30. Juni 2016 ünnerschreven.[2] to de Saison 2013/14 wurr he weer Kapitän vun de Mannschap un hett dormit den to’n AC Florenz wesselten Massimo Ambrosini ersett.
In de Natschonalmannschap
[ännern | Bornkood ännern]Nahdem Montolivo all för de U-18-, U-19- un U-21-Natschonalmannschap tO#n Insatz kommen weer, hett he an’ 17. Oktober 2007 ünner Trainer Roberto Donadoni in de A-Natschonalmannschap sien Instand geven. Bitlang hett he 62 Lännerspelen maakt (Stand: 29.März.2016).
Montolivo hett mit die italieensch Natschonalmannschap ok an dat Olympisch Footballturnier 2008 deelnommen, verlor dor aber dat Veertelfinalspeel tegen de Mannschap ut Belgien mit 2:3. An den Konföderatschonen-Pokal hett he ebenso deelnommen as an de Football-Weltmeesterschap 2010. Nächst Hööchtpunkt in sien Loopbahn weer de Deelnahm an de Football-Europameesterschap 2012, wo he mit sien Team in’t Endspeel kemm.
An de Weltmeesterschap 2014 kunn he nich deelnehmen, wiel he sück bi en Testspeel dat Schienbeen braken harr. Ok an de Football-Europameesterschap 2016 in Frankriek kunn he wegen Verletzung nich deelnehmen.
Familie
[ännern | Bornkood ännern]De Moder vun Montolivo stammt ut Ascheberg in Sleswig-Holsteen, He snackt ok düütsch un is ok düütsch Staatsbörger. In sien Jöögd hett he den Sömmer över regelmatig bi sien Grootöllern in Heidkate an de Oostsee verbrocht[3] In Italien wurrd he deswegen ok faken „Il Tedesco“ (de Düütsche) nömmt.
Weblenken
[ännern | Bornkood ännern]![](http://upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)
- Riccardo Montolivo in de Datenbank vun Weltfußball.de
- Riccardo Montolivo in de Datenbank vun Fußballdaten.de
- Profil up de Websteed vun den italieenschen Verband (italieensch)
- Indrag bi Kicker-Online