Oirschot
Wapen/Flagg | Koort | |
---|---|---|
| ||
Basisdaten | ||
| ||
Flach: | 102,85 km² | |
Inwahners: | 17,828 (November 2006) | |
Inwahnerdicht: | 0,2 Inwahners pro km² | |
Hööchd: | 0 m över de See | |
Postleettall: | 5090, 5091, 5688 | |
Vörwahl: | 013, 0499 | |
Geograafsche Laag: | Koordinaten:51° 18′ N, 5° 11′ O51° 18′ N, 5° 11′ O | |
Grenzen bi OSM: | 299714 ![]() | |
Öörd in de Gemeen: | 4 | |
Börgermeester: | Ruud Severijns (PvdA) | |
Websteed: | www.oirschot.nl | |
![]() |
Oirschot is en Gemeende in de Provinz Noord-Brabant in de Nedderlannen. Oirschot sett sik tohopen ut de Öörd Oirschot un Spoordonk un, vun 1997 af an ok ut de Öörd Oostelbeers, Middelbeers un Westelbeers, de wieder na'n Süden to liggt. In de Gemeende leevt 17.828 Inwahners. Se is 102,14 km² groot. Oirschot höört to den Samenwerkingsverband Regio Eindhoven (SRE).
Historie
[ännern | Bornkood ännern]Oirschot un sien Ümland hefft en ole Geschicht. Al in de Vörgeschicht wohnen Lüde in de Gegend. Ole Graffsteden ut düsse Tiet in de Wolden bi Westelbeers laat dor just so an denken, as Sporen vun Wohnsteden ut de Steentiet in desülvigen Kuntreien. Dat warrt seggt, dat de eerste Vörlöper vun de Mariakark an den Vrijthof in Oirschot al ut dat 5. Johrhunnert afstammt. Dorüm is in dat Dörp ok in dat Johr 1980 dat Fest 1500 Johr Oirschot fiert wurrn. De eersten schriftlichen Dokumenten över den Oord kaamt ut dat 14. Johrhunnert. De Grenzen vun de ole Gemeende Oirschot loopt ungefähr övereen mit de Grenzen vun de gemeijnten. Dat weern Grünn, de nich kultiveert weern. De Hartöög vun Brabant geven düsse Grünn in de eerste Hälft vun dat 14. Johrhunnert ut an de Inwahners vun Oirschot (dor hören dormols ok noch de Inwahners vun Best mit to). Dor kregen de Inwahners dat Recht mit, düsse Grünn tosamen to bruken. Best is 1819 vun Oirschot afscheden wurrn un is vun dor af an en egen Gemeende ween.
1334 hett Hartog Jan III. vun Brabant de gemeijnte vun Beers an de Bewahners vun Oostelbeers un Middelbeers verköfft. Nu dröffen se düt Land twuschen Oerle, Oirschot, Oisterwijk un Hilvarenbeek bruken. Dat sünd hüdigendags jummers noch de Grenzen vun Oirschot, bloß dat in dat Johr 1803 noch Westelbeers dorto kamen is.
1997 sund de olen Gemeenden Oirschot, Oost-, West- un Middelbeers tohopendaan wurrn to de nee Gemeende Oirschot.
Wat een sik ankieken scholl
[ännern | Bornkood ännern]![](http://upload.wikimedia.org/wikipedia/commons/thumb/f/f2/Oirschotpetruskerk.jpg/220px-Oirschotpetruskerk.jpg)
In de Gemeende Oirschot gifft dat allerhand Saken, de een sik ankieken scholl. Dor höört mehr as 300 Denkmalen to. Dat Utsehn vun dat Dörp is dorüm schützt. Oirschot hett dor de meisten Denkmalbowarken vun de ganzen Nedderlannen mit.
Düsse Denkmalbowarken schöllt besunners ankeken weern:
- De röömsch-kathoolsche St. Petrus'-Banden-Kark is en gootsche Krüüzbasilika ut dat 15. un 16. Johrhunnert. De platte Toorn is 60 m hooch. He is en Hööchtpunkt vun de Kempersche Gotik.
- Dat ole Raathuus an'n Markt vun Oirschot ut dat Johr 1513
- De reformeerte Maria-Kark ut dat 12. Johrhunnert, vunwegen de vörmolige Funktschoon as Botterwaag ok bekannt as „Botterkarkje“, boot in'n romaanschen Stil.
- Dat vörmolige Nazareth-Klooster mit Kapell ut de Neeromanik vun 1910
- De vörmolige Broeree De Kroon vun 1773