Middeleuropa
Middeleuropa oder Zentraleuropa is en Region in Europa. Se liggt twuschen West-, Oost-, Süüdoost-, Süüd- un Noordeuropa. Vun de Geographie her gifft dat keen eendüdige Kriterien, um dat aftogrenzen.
Wie Middeleuropa in de Geographie afgrenzt warrt
[ännern | Bornkood ännern]![](http://upload.wikimedia.org/wikipedia/commons/thumb/6/6a/Grossgliederung_Europas.png/220px-Grossgliederung_Europas.png)
Wenn een vun de Geographie her kieken deit, könnt to'n Afgrenzen dat Klima un de Natur rantagen weern. U.a. weer dat mööglich, to kieken, wat for Planten dor wasst un wie dat mit de Tektonik utsütt. Groffweg kann seggt weern,datt in'n Westen un Noordwesten de Rhienstroom de Grenz is, in'n Norden de Noordsee un de Eider (oder de Skagerrak/Kattegat). Denn slutt sik de Oostsee as Schede an. In'n Osten könnt Wiessel un Oostkarpaten de Grenz ween, na Süüdosten to de Unnerloop vun den Donaustroom un de öösterriekschen Alpen. Man ganz kloor aftogrenzen is Middeleuropa vun de Geographie her nich.
-
Middeleuropa (na Meyers Enzyklopädisches Lexikon, 1980)
Middeleuropääsche Staaten
Staten, die nich jummers to Middeleuropa torekent weert -
Middeleuropa (Brockhaus Enzyklopädie, 1998)
-
De Staten in Middeleuropa (Meyers Grosses Taschenlexikon, 1999):
Middeleuropääsche Staten
Middeleuropa (in'n breedern Sinn)
Staten, de hen un wenn to Middeleuropa mit totellt weert -
Middeleuropa siene Floraregion nah Wolfgang Frey un Rainer Lösch: vun't Zentralmassiv bit na de Karpaten un der süüdliche Oostsee
Ut Sicht vun Düütschland
[ännern | Bornkood ännern]![](http://upload.wikimedia.org/wikipedia/commons/thumb/f/f5/CentralEurope.png/260px-CentralEurope.png)
In Düütschland warrt dor wiethen nich an twiefelt, datt de gröttste Deel vun Düütschland to Middeleuropa tohören deit, man ok Öösterriek, de Swiez, Luxemborg, Liechtensteen, Polen, Tschechien, de Slowakei un Ungarn. Bi meist all Länner, de an düsse Staten angrenzen doot, gifft dat Speelruum. Je nadem weert se mol to Middeleuropa totellt, mol to annere Regionen vun den Kontinent. Vundeswegen warrt ok Slowenien faken as en Deel vun Middeleuropa ankeken, hen un wenn ok Kroatien, de Balt’schen Staten, Rumänien, Belgien un de Nedderlannen.
Faken sünd de Gemarken an'n Rand nich eendüdig in'e Reege to bringen un weert na „Geföhl“ oder (polietsche) Ansicht un Meenung insorteert.
De middeleuropääsche Tiedzone
[ännern | Bornkood ännern]![](http://upload.wikimedia.org/wikipedia/commons/thumb/7/71/Time_zones_of_Europe.svg/220px-Time_zones_of_Europe.svg.png)
To de middeleuropääsche Tiedzone (MET) höört düsse Länner in Europa to:
Albanien, Andorra, Belgien, Bosnien un Herzegowina, Dänemark, Düütschland, Frankriek, Italien, Kosovo, Kroatien, Liechtensteen, Luxemborg, Malta, Monaco, Montenegro, Nedderlannen, Noordmakedonien, Norwegen, Öösterriek, Polen, San Marino, Swiez, Sweden, Serbien, Slowakei, Slowenien, Spanien (ohne Kanaar’sche Inseln), Tschechien, Ungarn un Vatikanstadt.
De Tied geiht na de Oortsttied vun den 15. Meridian, de um un bi an de Grenz twuschen Polen un Düütschland langsloppt. Vunwegen, datt de Eer in 24 Tiedzonen updeelt is, möss de Westgrenz vun de MET normolerwiese an de Grenz twuschen Düütschland un de Nedderlannen langslopen. Man ok Frankriek, wat veel wieter na Westen to liggt, un sogor Spanien höört to düsse Tiedzone mit to. Vundeswegen verscheelt sik in de ganze, grote Tiedzone bannig, wo de Sunne to Middag steiht.
Literatur
[ännern | Bornkood ännern]- György Konrád: Antipolitik. Mitteleuropäische Meditationen. Suhrkamp, Frankfort an‘n Main 1985, ISBN 3-518-11293-7.
- Erhard Busek, Emil Brix: Projekt Mitteleuropa. Ueberreuter, Wien 1986, ISBN 3-8000-3227-9.
- Jürgen Elvert: Mitteleuropa! Deutsche Pläne zur europäischen Neuordnung (1918–1945). (= Historische Mitteilungen, Beiheft. 35) Steiner, Stuttgart 1999, ISBN 3-515-07641-7 (Ok Habilitationsschrift an de Universität Kiel 1996; Vorschau inschränkt up Google Books).
- Michael Gehler/Paul Luif/Elisabeth Vyslonzil (Rutg.): Die Dimension Mitteleuropa in der Europäischen Union, Hilmessen 2015.
- Helga Mitterbauer, András F. Balog] (Rutg.): Zentraleuropa. Ein hybrider Kommunikationsraum. Praesens, Wien 2006, ISBN 3-7069-0372-5.
- Günter Lehmann: Mitteleuropa. Handbuch zur Geschichte. Historisches Geschehen nach Zeittafel von 0001 bis 2000. Mecklenburger Buchverlag, Neebrannenborg 2009, ISBN 978-3-9812309-0-1.