Men in Black II
| Filmdaten | |
|---|---|
| Plattdüütsch Titel: | — |
| Originaltitel: | Men in Black II |
| Düütsch Titel: | Men in Black II |
| Produkschoonsland: | USA |
| Johr vun’t Rutkamen: | 2002 |
| Läng: | 90 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Barry Sonnenfeld |
| Dreihbook: | Robert Gordon Barry Fanaro |
| Produkschoon: | Laurie MacDonald Walter F. Parkes |
| Musik: | Danny Elfman Will Smith (Titelleed) |
| Kamera: | Greg Gardiner |
| Snitt: | Richard Pearson Steven Weisberg |
| Szenenbild: | Bo Welch |
| Kledaasch: | Mary E. Vogt |
| Dorstellers | |
| |
Men in Black II (op Platt soveel as „Mannslüüd in Swart 2“; ok bekannt as: MiB2, MiBII oder MIIB)is en US-amerikaansch Science-Fiction-Filmkummedie ut dat Johr 2002. Dormit warrt de Geschicht vun den Film Men in Black vun 1997 wieterföhrt. De tweete Deel hett bi ruchweg 140 Millionen Produkschoonskosten weltwiet üm un bi 442 Millionen US-Dollar inspeelt un liggt op de Ranglist vun de spoodrieksten Filmen weltwiet den 75. Platz (Stand vun’n April 2008, lt. IMDb)
Inholt
[ännern | Bornkood ännern]Fief Johr is dat her, dat Agent J sien Instand bi de Men in Black geven hett un sien Kolleeg Agent K in Rohstand gahn is. In de Twüschentiet hett Agent J sien Weg maakt un hett sik to en vun de besten Agenten hoocharbeit. Op eenmol warrt de Eer aver vun en kyloothisch Monster mit den Naam Serleena besöcht, de op de Eer de Figur vun en Model för Ünnerwäsche annimmt, aver ut ehr Hannen slangenordige Ranken wassen laten kann un dör un dör böös is. Vör fiefuntwintig Johren hebbt de Zarthaners dat „Licht vun Zartha“ na de Eer bröcht, üm dat vör Serleena in Sekerheit to bringen. De Men in Black (MiB) wullen dat Licht aver ut diplomaatsche Grünnen nich behollen un hebbt dat den Anschien na wedder wegschickt. Aver in Würklichkeit hett de tostännige Agent – neemlich de fröhere Agent K – dat Licht op de Eer versteken.
Dat „Licht vun Zartha“ schall so veel Kraft hebben, dat de, de dat in Besitt hett, de vullstännige Herrschop över den Planeten Zartha kriggt. As Jay (Agent J) mit den Fall to doon kriggt, as Serleena en Butenirdischen ümbröcht hett, finnt he also rut, dat Kay (Agent K) dormols mit de Saak üm dat Licht betroet weer. De is aver al siet Johren nich mehr bi de MiB, man is na Jay sien Utbilln neutraliseert worrn, so dat sien Gedanken utlöscht sünd. He arbeit nu as Böverpostmesster vun Massachusetts un Jay mutt versöken, em vun sien verleden Beroop to vertellen, vun wegen dat Kay de eenzige is, de weten kann, woneem dat „Licht vun Zartha“ bleven is. Schüll dat Licht neemlich in Serleenas Hannen fallen, denn warrt se den Planet tonichten maken. Bit to Middernacht, dat hett Serleena rutfunnen, schall dat Licht aver vun de Eer verswinnen. Wenn dat aver bit denn noch nicht weg is, maakt dat Licht de Eer toschannen. Jüst as Kay sien Gedachtnis torüch kriegen schall, geiht Serleena in’t Hööftquarteer vun de MiB un övernimmt de Kontroll.
Jay un Kay künnt jüst noch utneihn un künnt ok gau en Maschien finnen, de Kay dat Gedächtnis torüchbringt. Man liekers kann Kay nich wedder dorop kamen, wat dat mit dat Licht op sik hett. Se söökt noch mol den Oort op, woneem Serleena den Zarthaner ümbröcht hett. Dor finnt se Henwiesen, de sik Kay torecht leggt hett, as he noch Agent weer. Dordör kann he in’n Nootfall wedder de Spoor vun dat Licht opfinnen. Tosamen gaht de beiden Agenten de Sporen na un finnt op disse Oort un Wies opletzt dat Licht. Dat aver wiest sik as de junge Fro Laura Vasquez, de siet ehr Geboort in New York City wahnt, vun ehr egen Bedüden aver nix afweet. Ehr richtige Naam is neemlich Laurana.
In de Twüschentiet hett Serleena eenige gefährliche Butenirdische üm sik versammelt, de ehr bi ehr Söök helpt, wiel se sülvst in’t MiB-Hööftquarteer ehr Glück versöcht. Mit Help un de Wormlingen, de ok al in’n eersten Film vörkamen sünd, maakt sik Kay un Jay op, dat Quarteer to befre’en. Wiel Jay dor mit en Butenirdischen to kämpen hett, de mit em noch’n Reken apen hett, sett sik Kay mit Serleena uteneen, de to’t Enn vun Film vun en Resenworm opfreten warrt, de sik in de U-Bahn leevt. Laurana kann jüst to rechten Tiet mit ehr Ruumschipp wegflegen, liekers dat Jay sik in ehr verkeken hett. Op dat Dack vun en Huus kummt dat to’n Showdown mit Serleena, de sik nochmol wedder freemaken künn. Bi’n Sluss warrt andüüt, dat Kay de Vadder vun Laurana is, man nipp un nau warrt dat nicht verkloort.
Kritiken
[ännern | Bornkood ännern]- kino.de: Dramatik, Action, Situationskomik und absurder Humor verbinden sich auch in „Men in Black 2“ mit einer Flut optischer Tricks und Make-up-Zaubereien zu einem Spaß mit Unterhaltungsgarantie.[1]
- Filmstarts.de: Mit seinen ungewöhnlich knappen 89 Minuten ist „Men in Black“ ein kurzweiliger, aber wie sein Vorgänger kaum sonderlich lange in Erinnerung haftender Kino-Happen, eine launige, schräge, aber an keiner Stelle wirklich bissige Science-Comedy-Action, die wieder scheinbar unvereinbare Genres zu knallbunter Popcorn-Unterhaltung verquirlt.[2]
Utteken
[ännern | Bornkood ännern]Men in Black II weer tosamen för teihn Priesen vörslahn, dorünner weer ok en Nomineeren vun Lara Flynn Boyle för den Razzie Award. Wunnen hett de Film opletzt twee Priesen:
- 2002: den Bogey Award in Platin.
- 2003: den BMI Film Music Award för Danny Elfman.
Anners wat
[ännern | Bornkood ännern]- de Showdown vun’n Film schüll eerst in’t World Trade Center in New York stattfinnen. De Plaan müss aver wegen de Terroranslääg vun’n 11. September 2001 ännert warrn.
- De Men in Black sünd in en Folg vun The Fairly OddParents (dt.: Cosmo und Wanda – Wenn Elfen helfen) un in een Comic vun Pinky and the Brain parodeert worrn.
- Michael Jackson hett in den Film en lütte Gastrull as en Butenirdischen, de in den Film versöcht offizielle Liddmaat vun de MiB to warrn aver aflehnt warrt.
- Vun de Men in Black sünd dorna ok Videospelen rutkamen för den Nintendo GameCube, den Game Boy Color un för de PlayStation 2.
- En nee Sequel, Men in Black III is för 2011 plaant.
Borns
[ännern | Bornkood ännern]- ↑ kino.de http://www.kino.de/videofilm.php4?typ=inhalt&nr=64127
- ↑ filmstarts.de http://www.filmstarts.de/kritiken/Men%20In%20Black%20II.html