Majuro-Atoll

Dat Majuro Atoll is en Atoll, wat to de Marshallinseln tohören deit. Dor liggt ok up dree Eilannen vun düt Atoll de Hööftstadt vun de Republik vun de Marshallinseln. De heet Dalap-Uliga-Darrit. Up düt Atoll leben in dat Johr 1999 23.350 Inwahners up en Land vun alltohopen man bloß 9,7 km². Dat Atoll slutt sik as en Krink üm en Laguun vun 295 km². Up de Eilannen in'n Süüden vun dat Atoll warrt duchtig Buuree bedreben. Besunners Taro, Söötkantüffel un allerhand Früchten weert dor anboot. Up de lüttjen Inseln in'n Noorden vun dat Atoll gifft dat grode Plantagen vun de Kokospalm. Midden in't Atoll liggt dat lüttje Eiland Mau. Dor weert bi de ganz besunnere Giant Clams Farm de afsunnerliche Möördermosseln tagen un allerwegens in'e Welt henstüürt, wo Zoos un Aquariums jem bruken könnt.