Ivan Reitman
![](http://upload.wikimedia.org/wikipedia/commons/thumb/0/06/Ivan_Reitman_2011.jpg/220px-Ivan_Reitman_2011.jpg)
Ivan Reitman, OC (* 27. Oktober 1946 in Komárno, Tschechoslowakei) is en Speelbaas un Filmproduzent, de an vele spoodrieke US-amerikaanschen Filmen mitarbeit hett.
Leven un Wark
[ännern | Bornkood ännern]Reitman leevt siet 1950 in Kanada. He stammt vun en ungaarsch-jöödsche Familie. He hett in Hamilton de McMaster University besöcht un arbeit dorna för den Feernsehsenner CITY-TV in Toronto. De Steed harr he aver blots för een Johr. Mit den Film National Lampoon’s Animal House hett he 1978 den Dörbrook as Speelbaas un Produzent hatt.
Reitman is bekannt worrn as Speelbaas vun Kummedien as Ghostbusters. Mit sien Warken sünd Lüüd föddert worrn as Arnold Schwarzenegger, Bill Murray, Dan Aykroyd, John Belushi, Kristine DeBell un Anne Heche. In’t Johr 1984 weer he vun de National Association of Theater Owners as Speelbaas vun’t Johr uttekent worrn. 2000 hett he de Produkschoonsfirma The Montecito Picture Company grünnt.
Siet 1976 is Reitman mit de Schauspelersche Geneviève Robert verheiraat. He hett dree Kinner. Sien Söhn Jason Reitman is ok Speelbaas.
Filmografie (Utwahl)
[ännern | Bornkood ännern]Johr | Titel | Funkschoon |
---|---|---|
1968 | Orientation, Kortfilm | Speelbaas Dreihbook Produzent |
1971 | Foxy Lady | Speelbaas Produzent Snitt |
1976 | Death Weekend dt.: Bluthunde |
Produzent |
1978 | Animal House dt.: Ich glaub’ mich tritt ein Pferd |
Produzent |
1979 | Meatballs dt.: Babyspeck und Fleischklösschen |
Speelbaas |
1981 | Stripes dt.: Ich glaub’ mich knutscht ein Elch |
Speelbaas Produzent |
1981 | Heavy Metal | Produzent |
1984 | Ghost Busters dt.: Ghostbusters – Die Geisterjäger |
Speelbaas Produzent |
1986 | Legal Eagles dt.: Staatsanwälte küsst man nicht |
Speelbaas Produzent |
1988 | Twins dt.: Twins – Zwillinge |
Speelbaas Produzent |
1989 | Ghost Busters II dt.: Ghostbusters II |
Speelbaas Produzent |
1990 | Kindergarten Cop | Speelbaas Produzent |
1992 | Stop! Or My Mom Will Shoot dt.: Stop! Oder meine Mami schiesst |
Produzent |
1993 | Dave | Speelbaas Produzent |
1994 | Junior | Speelbaas Produzent |
1996 | Space Jam | Produzent |
1997 | Father’s Day dt.: Ein Vater zuviel |
Speelbaas Produzent |
1998 | Six Days Seven Nights dt.: Sechs Tage Sieben Nächte |
Speelbaas Produzent |
2001 | Evolution | Speelbaas Produzent |
2006 | My Super Ex-Girlfriend dt.: Die Super-Ex |
Speelbaas |
2009 | Post Grad dt.: (Traum)Job gesucht |
Speelbaas Produzent |
2009 | Up in the Air | Speelbaas Produzent |
2011 | No Strings Attached dt.: Freundschaft Plus |
Speelbaas Produzent |
2012 | Hitchcock | Produzent |
Filmpriesen
[ännern | Bornkood ännern]Reitman weer bit hüüt (Stand: Dezember 2012) dörteihn mol för naamhafte Filmpriesen vörslahn, dorünner eenmol ok för den Oscar in de Kategorie Best Film. Uttekent weer Reitman mit söven Priesen, to’n Bispeel:
- 1982: mit den Golden Reel Award för Heavy Metal
- 1980: mit den Golden Reel Award för Meatballs
- 1997: mit sien Steern op’n Hollywood Walk of Fame
- 2001: mit sien Steern op’n Canada’s Walk of Fame in Toronto[1]
- 2009: mit den AFI Film Award in de Kategorie Film vun’t Johr för Up in the Air
Butendem is Reitman 2009 för sien Verdeensten as Produzent un Speelbaas un dat Föddern vun de kanaadschen Film- un Feernsehindustrie to’n Officer of the Order of Canada maakt worrn.[2]
Weblenken
[ännern | Bornkood ännern]- Ivan Reitman in de Internet Movie Database (engelsch)
Borns
[ännern | Bornkood ännern]- ↑ Inductees 2001 op Canada's Walk of Fame afropen an’n 22. Februar 2011
- ↑ Governor General Announces 57 New Appointments to the Order of Canada bi’t Office of the Secretary to the Governor General vun’n 30. Dezember 2009 afropen an’n 22. Februar 2011