Hartley Travers Ferrar

Hartley Travers Ferrar (* 28. Januar 1879 in Dalkey bi Dublin; † April 1932) weer en Geoloog, de an de Discovery-Expedition ünner Robert Falcon Scott deelnommen hett.

Biografie

Ferrar is all in jung Johren tosommen mit sien Öllern nah Durban in Süüd-Afrika trucken. He wurr denn nah England zur Oundle School torüch schickt, um sien Schoolutbillen aftosluuten. Dornah is he to dat Sidney Sussex College, Cambridge, wesselt, wo he Geologie studeeren dee. As he in Cambridge fardig weer, kreeg he vun Scott dat Angebot, as Geoloog bi de sien eerst Antarktis-Expeditschoon deeltonehmen. To Pass keem hüm dorto bestimmt ok, dat he en dörtraineert Sportler weer. Ferrar weer dat jüngste Liddmaat in de wetenschaplich Crew vun Scott sien Mannschap.

He segel up de RRS Discovery, wo he ok sien tokünftig Fru Gladys Anderson drapen dee, as sück dat Schipp in Neeseeland befunn. Scott un sien Crew sünd wieder in Richt Süden segelt un hemm denn Anker sett an’n McMurdo Sound in dat Ross-Meer. Dat Schipp bleev dor twee Johr un is dor infroren. Ferrar nehm sien geologisch Arbeiten up un hett gemeensam mit Ernest Shackleton un Edward Adrian Wilson neben annern ok Reisen mit Schledden ünnernommen un keem so 1903 up de längste Reis ok to de westlich Bargen up Victorialand. De Ferrar-Gletscher wurr later nah hüm nöömt. Nah sien Rückkehr up de Discovery schreev he sien geologischen Bericht över disse Fohrt.

Dornah hett he en Stäe in Ägypten antreeden, wo he bit to den Utbröök vun den Eersten Weltkrieg bleev. He hett sien Familie nah Neeseeland schickt, bleev aber sülvst in Nordafrika un hett sien Deenst in dat 1. Canterbury Regiment afleist.

Nah dem Krieg hett he för dat Institute of Geological and Nuclear Sciences arbeit. Neben Forschungsarbeiten hett he ok noch sien Dokterarbeit afslooten. Ferrar 1932 an den Folgen vun en Operatschoon storven.