Fischer-Z
Fisher-Z weer en engelsche Rock-Grupp üm den Singer un Gitarrspeler John Watts. Se gellt as een vun de populärsten Gruppen vun’n New Wave to’n Anfang vun de 1980er Johren.
Historie vun de Grupp
[ännern | Bornkood ännern]Fischer-Z is in’t Johr 1979 grünnt worrn. De eersten Liddmaten weern blangen John Watts de Slagtüüchspeler Steve Liddle, de Keyboarder Steve Skolnik un de Bassist David Graham. In disse Tosamensetten hett de Grupp twüschen 1979 un 1981 dree Albums op’n Markt bröcht, de all groten Spood harrn. Op dat Album Red Skies Over Paradise vun 1981 weern mehrere Leder, de vun’n Kolen Krieg, vun’t Wettrüsten mit Atomwapen un de Gefohr vun’n Atomkrieg hanneln deen. Dormit güngen de Musikers utenanner. Vun 1982 an hett Watts Solo wietermaakt twee Solo-Albums rutbröcht, de ok Spood harrn, man nich as de Warken mit Fischer-Z. Af 1984 weer he mit dat Projekt The Cry ünnerwegens.
Eerst 1987 hett Watts wedder ünner den Naam Fischer-Z arbeit, man ahn de fröheren Mitbegrünners. Watts sülvst sütt Fischer-Z as en wichtigen Deel vun sien künstlerisch Samtwark an un hett mit blots veer Utnahmen ok all de Leder ünner den Gruppennaam sülvst komponeert un de Texten dorto schreven. Man, ok na 1987 hett he jümmer wedder ok Solo-Albums publizeert. 2002 is Fischer-Z denn oplöst worrn.
In’n Rahmen vun en lütte Show geev dat 2004 denn en korte Weddervereenigen vun de Grupp in de Originaltosamensetten. Siet 2010 is John Watts mit dree junge Musikers wedder ünner den Repertoire-Naam Fischer-Z ünnerwegens un tourt dör Düütschland un annere europääsche Länner.
Diskografie
[ännern | Bornkood ännern]Studioalbums
[ännern | Bornkood ännern]- 1979 – Word Salad
- 1980 – Going Deaf for a Living
- 1981 – Red Skies Over Paradise
- 1987 – Reveal
- 1989 – Fish’s Head
- 1992 – Destination Paradise
- 1993 – Kamikaze Shirt
- 1995 – Stream
- 2002 – Ether
Kumpilatschonen
[ännern | Bornkood ännern]- 1990 – Going Red for a Salad (The UA Years 1979-1982)
- 1995 – The Best
- 1997 – The Worker
- 1998 – The Perfect Album
- 2004 – Highlights 1979 to 2004
Literatur
[ännern | Bornkood ännern]- Armin Pongs: Von A bis Fischer-Z, Die Biographie von John Watts. München: Dilemma-Verlag 1997, ISBN 3-9805822-1-3