Buzz Aldrin
![](http://upload.wikimedia.org/wikipedia/commons/thumb/a/a7/Buzz_Aldrin_%28S69-31743%29.jpg/220px-Buzz_Aldrin_%28S69-31743%29.jpg)
Buzz Aldrin (* 20. Januar 1930 in Montclair, New Jersey as Edwin Eugene Aldrin, Jr.), is en US-amerikaanschen Astronaut. Wiel se hümm all immer Buzz ropen hebbt, hett he 1988 disse Naam as sien Naam annommen.
Anfangs weer he Testpilot, wur denn aber 1963 van de NASA utsöcht, Astronaut to wurn. In dat Johr hett he ok promoveert.
Mit dat Ruumschipp Gemini-12 is he 1966 tosommen mit James Lovell um de Eer floogen, un hett dorbie ok twee Weltruumspazeergänge (engelsch: Extra Vehicular Activity (EVA)) makt.
1969 floog he denn mit siene Kollegen Neil Armstrong un Michael Collins mit dat Ruumschipp Apollo-11 to’n Maand. Denn hemm se dat Maandlandefohrtüüg afkoppelt (dorin seeten Armstrong und Aldrin) un Collins is mit dat Moderschipp üm de Maand rumflogen.
An 21. Juli 1969 het Armstrong denn as der eerste Minsch de Maand betreden. Lütt Sett later wer Aldrin de tweede Mann up de Maand. Dorna sünd se denn weer upstegen, hebbt an dat Moderschipp ankoppelt und sünd weer heel nah de Eer torüchkommen.