Bloodfatt
![](http://upload.wikimedia.org/wikipedia/commons/thumb/0/0e/Arteriessystem.png/220px-Arteriessystem.png)
As en Bloodfatt (lat. medizinsch Fachbegreep: Vas sanguineum) oder en Ader warrt in’n minschlichen oder deertisch Lief en röhrenförmige Struktur betekent, wo binnen dat Blood transporteert warrt. All Bloodfatten tohopen billt den Bloodkreisloop.
Hele Bloodfatten sünd de Vörrutsetten för den ordigen Transport vun’t Blood bit in de achtersten Ecken vun’n Lief un den störfre’en Torüchloop na’t Hart.
Indelen
[ännern | Bornkood ännern]In’n minschlichen Lief warrt de Bloodfatten as nafolgend ünnerdeelt:
- Aorta — Hööftslagader
- Arterien — Slagadern
- Arteriolen — Lütte Slagadern
- Kapillaren — Hoorfatten
- Venolen — lütte Venen
- Venen — Bloodader
- Hollveen-bövere/ünner — Vena cava superior/inferior
Anatoomsch Opbo
[ännern | Bornkood ännern]![](http://upload.wikimedia.org/wikipedia/commons/thumb/1/1b/AoDissect_Scheme.jpg/220px-AoDissect_Scheme.jpg)
Allgemeen besteiht de Wand vun en grötteret Bloodfatt ut dree verscheeden Schichten:
- 1. der Tunica intima, kort: Intima
- 2. der Tunica media, kort: Media
- 3. der Tunica externa, kort: Adventitia
Kapillaren bestaht blots ut en Endothel in dat Pericyten inschalt sünd.
Intima
[ännern | Bornkood ännern]De Intima is de binnerste Schicht vun de Fattwand bi Arterien, Venen un Lymphfatten. Se besteiht ut en enkelte Laag vun Endothelzellen, de in de Längsass vun’t Fatt utricht sünd. Se deent to’n Uttuusch vun Gas, Fletigkeit un Stoffen twüschen Blood un dat Geweev ümto. Se is tosamensett ut en Basalmembran, en subendothelialen Schicht ut Binngeweevszellen un faken ok een Membrana elastica interna, welke de Intima vun de Media scheedt.
Media
[ännern | Bornkood ännern]De Media besteiht afhangig vun de Fattoort ut en mehr oder minner dull utprägte Muskelschicht, de na beide Sieten vun en Faserlamell ut elastisch Binngeweev begrenzt warrt. Man ünnerscheedt t. B. de Arterien vun’n elastischen Tyyp neeg an’t Hart (kiek ok Windketelfunkschoon) un de Arterien vun’n muskulären Tyyp wieter weg vun’t Hart. Doröver liggt de Membrana elastica externa, de ehr vun de Adventitia scheedt.
Adventitia
[ännern | Bornkood ännern]De Adventitia is dat ümgeevend lockere Binngeweev, wat dat Bloodfatt in sien Ümgeven Inbetten un Verankern deit. Bi gröttere Fatten bargt de Adventitia Vasa vasorum, dat sünd fiene Adern, welke de Fattwand versorgen doot. Bi lüttere Faten findt de Versorgen ut dat Fatt sülvst statt.