Bill Murray

Bill Murray bi’t Toronto International Film Festival 2009

William James „Bill“ Murray (* 21. September 1950 in Wilmette, Illinois, USA) is en US-amerikaanschen Schauspeler, Speelbaas, Kummediant un Filmproduzent.

Leven

Murray is as veert vun negen Kinner in eenfache Ümstännen opwossen. Mit sien Broder Brian hett he al fröh anfungen as Caddie bi’n Gulf to arbeiten, üm Geld för sien Utbilln to verdenen. As he denn an’t College weer hett he Geld as Drogendealer verdeent un weer deswegen in’t Öller vun 21 Johren fastnahmen. He is dormols to en Straaf op Proov veroordeelt worrn.

Mitt vun de 1970er Johren is Murray Liddmaat vun dat Improvisatschoonstheater Second City worrn un hett sien Medizinstudium opgeven. Vun 1977 an höör he to den fasten Staff vun Schrievers un Dorstellers vun de beropenen Feernsehn-Reeg Saturday Night Live un kreeg sien eersten Emmy. Sien eerste Filmrull speel he 1978 in The Rutles, en Parodie op Beatles, in den he sik aver sülvst spelen de. En Johr later hett em de Speelbaas Ivan Reitman as Hööftdorsteller för sien Film Meatballs hollt. Reitman weer dat ok, de em later mit sien Kummedien Stripes un Ghostbusters to’n Dörbrook verholpen hett. Wieter spoodrieke Filmen mit Bill Murray weern Caddyshack, Tootsie un de Charles-Dickens-Verfilmen Scrooged.

1990 geev dat en Remake mit den Titel Quick Change, bi den he ok sien eerste Arbeit as Speelbaas maakt hett. He sülvst meen, dat he dat dorbi denn ok blieven laten wull. To sien bekannsten Rullen tellt de Meteoroloog in Groundhog, de een un den sülven Dag jümmer wedder dörleven mutt. In de Mitt vun de 1990er Johren harr he denn nich mehr so veel Spood, mann 1999 keem dat to en Comeback mit de sellschopkritischen Kummedie Rushmore. 2003 harr Murray noch mol groten Spood mit de Hööftrull in Lost in Translation vun Sofia Coppola, för de he ok uttekent worrn is.

Murray weer tweemol verheiraat. Dat eerste mol vun 1981 bit 1996 mit Margaret Kelly un dat tweete mol vun 1997 bit 2008 mit Jennifer Butler. Ut beide Ehen hett he tosamen söss Kinner. Vun sien egen Bröder sünd dree ok Schauspelers.

Filmografie (Utwahl)

Johr	Titel	Synchroonsnacker
1975	Tarzoon, la honte de la jungle, Stimm dt.: Schande des Dschungels
1978	The Rutles: All You Need Is Cash, Feernsehn dt.: The Rutles – All You Need Is Cash	Boris Tessmann (2. Synchro)
1979	Meatballs dt.: Babyspeck und Fleischklösschen	Manfred Lehmann
1980	Where the Buffalo Roam dt.: Blast – Wo die Büffel röhren	Volker Kraeft
1977-2018	Saturday Night Live, Feernsehreeg
1980	Caddyshack dt.: Caddyshack – Wahnsinn ohne Handicap	Arne Elsholtz
1981	Stripes dt.: Ich glaub mich knutscht ein Elch!	Sigmar Solbach (Kino, 1981) Arne Elsholtz (DVD, 2005)
1982	Tootsie	Manfred Seipold
1984	Ghost Busters dt.: Ghostbusters – Die Geisterjäger	Arne Elsholtz
1984	Nothing Lasts Forever dt.: Alles ist vergänglich	Erich Hallhuber
1984	Razor’s Edge dt.: Auf Messers Schneide	Manfred Seipold
1986	Little Shop of Horrors dt.: Der kleine Horrorladen	Uwe Paulsen
1988	Scrooged dt.: Die Geister die ich rief	Manfred Lehmann
1989	Ghost Busters II	Arne Elsholtz
1990	Quick Change dt.: Ein Verrückt genialer Coup	Arne Elsholtz
1991	What About Bob? dt.: Was ist mit Bob?	Arne Elsholtz
1993	Groundhog Day dt.: Und täglich grüßt das Murmeltier	Arne Elsholtz
1993	Mad Dog and Glory dt.: Sein Name ist Mad Dog	Jürgen Heinrich
1994	Ed Wood	Arne Elsholtz
1996	Kingpin dt.: Kingpin – Zwei Trottel auf der Bowlingbahn	Arne Elsholtz
1996	Larger Than Life dt.: Die dicke Vera	Arne Elsholtz
1997	The Man Who Knew Too Little dt.: Agent Null Null Nix	Arne Elsholtz
1998	Wild Things	Arne Elsholtz
1998	With Friends Like These… dt.: Coole Typen – Freunde wie diese
1998	Rushmore	Arne Elsholtz
1999	Cradle Will Lock dt.: Das Schwankende Schiff	Arne Elsholtz
2000	Hamlet dt.: Hamlet – The Denmark Corporation	Arne Elsholtz
2000	Charlie’s Angels dt.: 3 Engel für Charlie	Arne Elsholtz
2001	Speaking of Sex	Arne Elsholtz
2001	Osmosis Jones	Arne Elsholtz
2001	The Royal Tenenbaums dt.: Die Royal Tenenbaums	Arne Elsholtz
2003	Lost in Translation	Arne Elsholtz
2004	Garfield, Stimm dt.: Garfield – Der Film	Thomas Gottschalk
2004	The Life Aquatic with Steve Zissou dt.: Die Tiefseetaucher	Arne Elsholtz
2005	Broken Flowers dt.: Broken Flowers – Blumen für die Ex	Arne Elsholtz
2006	Garfield: A Tail of Two Kitties, Stimm dt.: Garfield 2 – Faulheit verpflichtet	Oliver Kalkofe
2007	Darjeeling Limited	Arne Elsholtz
2008	Get Smart dt.: Get Smart – Wir lieben es, die Welt zu retten!	Arne Elsholtz
2008	City of Ember dt.: City of Ember – Flucht aus der Dunkelheit	Arne Elsholtz
2009	Get Low dt.: Am Ende des Weges	Arne Elsholtz
2009	Zombieland	Arne Elsholtz
2010	Passion Play	Arne Elsholtz
2012	Moonrise Kingdom	Arne Elsholtz
2012	Hyde Park on Hudson dt.: Hyde Park am Hudson	Arne Elsholtz
2014	The Monuments Men dt.: Monuments Men – Ungewöhnliche Helden	Arne Elsholtz
2014	St. Vincent	Arne Elsholtz
2015	Rock the Kasbah	Arne Elsholtz
2016	The Jungle Book, Stimm	Armin Rohde
2018	Isle of Dogs dt.: Ataris Reise

Filmpriesen (Utwahl)

De Spood vun Bill Murrays Arbeit wiest sik ünner annern in de tallrieken Filmpriesen. He is bit hüüt al mit mehr as 25 Priesen uttekent worrn un weer för nochmol 25 Priesen vörslahn, dorünner ok eenmol för den Oscar in de Kategorie Best Hööftdorsteller för Lost in TRanslation. Wunnen hett he ünner annern:

• 1977: den Emmy in de Kategorie Best Schriever för en Kummedie oder Musik-Reeg för Saturday Night Live
• 1998: den NYFCC Award in de Kategorie Best Nevendorsteller för Rushmore
• 1999: den Independent Spirit Award in de Kategorie Best Nevendorsteller för Rushmore
• 1999: den American Comedy Award in de Kategorie Lustigst Nevendorsteller in’n Film för Rushmore
• 2003: den WAFCA Award in de Kategorie Best Hööftdorsteller för Lost in Translation
• 2003: den NYFCC Award in de Kategorie Best Hööftdorsteller för Lost in Translation
• 2003: den BSFC Award in de Kategorie Best Schauspeler för Lost in Translation
• 2004: den CFCA Award in de Kategorie Best Schauspeler för Lost in Translation
• 2004: den BAFTA Film Award in de Kategorie Best Hööftdorsteller för Lost in Translation
• 2004: den Independent Spirit Award in de Kategorie Best Hööftdorsteller för Lost in Translation
• 2004: den Golden Globe in de Kategorie Best Hööftdorsteller in Kummedie oder Musical för Lost in Translation
• 2004: den Golden Satellite Award in de Kategorie Best Hööftdorsteller in en Film – Kummedie oder Musical för Lost in Translation

Weblenken

• Bill Murray in de Internet Movie Database (engelsch)
• Biografie op film-zeit.de
• Literatur vun un över Bill Murray in de Düütschen Natschonalbökeree