Amy Winehouse
![](http://upload.wikimedia.org/wikipedia/commons/thumb/c/cf/Amy_Winehouse_f4962007_crop.jpg/220px-Amy_Winehouse_f4962007_crop.jpg)
Amy Jade Winehouse (* 14. September 1983 in London; † 23. Juli 2011 ok dor) weer en britsch Singersche un Lederschrieversche. Ehr Musikrichten weern R’n’B, Jazz, Pop, Soul un Ska.
Leven un Wark
[ännern | Bornkood ännern]Winehouse weer de Dochter vun den Jazzmusiker un Taxifohrer Mitchell Winehouse un de Aftheekersche Janis Winehouse un is in London tosamen mit ehrn öllern Broder opwossen. De Öllern güngen uteneen, as se negen Johr oolt weer. Op Anraden vun ehr Grootmudder Cynthia hett se mit negen Ünnerricht an de Susi Earnshaw Theatre School kregen un güng mit twölf na de Sylvia Young Theatre School, woneem britische Nawasskünstlers utbillt warrt. De School hett se mit 16 verlaten. Blangento speel se in en Jazz-Orchester. Later hett se de BRIT School in Selhurst besöcht.
Winehouse hett an’n 18. Mai 2007 in Miami ehrn Ehmann Blake Fielder-Civil heiraat un sien Nanaam Civil annahmen. Optreden is se aver wieter ünner ehrn Naam Winehouse. De Eh is later wedder scheedt worrn.
Loopbahn in de Musik
[ännern | Bornkood ännern]![](http://upload.wikimedia.org/wikipedia/commons/thumb/5/52/Amy_Winehouse_f5048439.jpg/220px-Amy_Winehouse_f5048439.jpg)
In ehr jungen Johren is Winehouse al in lütte Clubs in London optreden. Ehrn eersten Verdrag hett se mit 18 Johren bi Island Records ünnerschreven. Dat Debüt-Album Frank is 2003 rutkamen. Se hett dorför twee Nomineeren för de Brit Awards kregen un noch een för den Ivor Novello Award. Dat Album is en Grootbritannien bit in de Top 20 kamen un hett dreemol Platin kregen för 900.000 Stück, de verköfft worrn sünd[1]. In’t Johr 2006 is ehr tweet Album ünner den Titel Back to Black op’n Markt kamen, dat 2008 ok in Düütschland op en Spitzenplatz in de düütschen Albumcharts kamen is[2].
De Single Rehab, de al in’t Fröhjohr 2007 rutkamen is, is in’n Februar 2008 noch mol in de Düütschen Single-Charts instegen. Dat Album is ok mit tweemol Platin uttekent worrn.
To den James-Bond-Film Quantum of Solace schüll Winehouse eerst dat Titelleed singen[3], man de Arbeit is wegen ehrn slechten Gesundheitstostand afbroken worrn[4].
Enn vun’n Mai 2008 is se för ehr Leed Love Is a Losing Game mit den Ivor Novello Award uttekent worrn, wat de Musik un ok wat den Text bedrapen de. Dat spoodrieke Leed Rehab is al 2007 ehrt worrn[5]. In’n Juni 2008 is se bi en Benefiz-Kunzert to Ehren vun Nelson Mandela an sien 90. Geboortsdag optreden. Siet Enn vun’n Juli 2008 is se as Wassfigur in dat beropene Wassfigurenkabinett vun Madame Tussauds to sehn[6].
Dat Album Back to Black hett 2007 an de Welspitz vun de Johresenn-Charts stahn, uin belegg in’t Johr dorop noch mol Platz 2. Dormit höört dat Album to de spoodrieksten Alben vun de ne’este Generatschoon. Aleen in Düütschland is dat Album mehr as een Million mol verköfft worrn un hett dormit 5 mol Platin kregen. Winehouse weer 2008 butendem sössmol för den Grammy vörslahn un hett em fiefmol wunnen. An de Verlehen in Los Angeles künn se aver blots över en Satellitenverbinnen deelnehmen: Se harr wegen ehr Drogenlasten keen Visum för de Inreis kregen. As se dorför Verlööf kreeg, weer dat al to laat[7].
Dat Winehouse mit Lasten mit Drogen un Alkohol harr, hett jümmer wedder för Opsehn in de Medien sorgt. In’n Juli 2007 müss se op Anraden vun’n Dokter kortfristig mehrere Festivalterminen afseggen, vun wegen dat se dat gesundheitlich nich dörstahn künn. An’n 9. August 2007 is se tosamenbroken un müss ambulant behannelt warrn. Dat Managment snackt dorvun, dat se fardig weer mit Jack un Büx. Butendem harr se mit Magersucht un Bulemie to doon. In’n Oktober 2007 is Winehouse tosamen mit ehrn Ehmann in’t norweegsche Bergen fastnahmen worrn, vunwegen dat se mit Marihuana faatkregen worrn is[8].
In’n Januar 2008 is se in London in en Afwenn-Klinik gahn. Vörher weer en Video in Ümloop kamen, op dat se bi’t Smöken vun en CRack-Piep to sehn weer[9], [10]. In Mai 2011 hett se sik in de Sucht-Klinik Priory Group in London noch mol wedder behanneln laten[11]-
An’n 18. Juni 2011 schüll in Belgrad ehr Tournee anfangen. Kort vörher eerst harr se ehr Alkohol-Afwennkur afslaten. Op de Bühn wies se sik aver so besopen, dat se kuum singen künn un mehrmols hinfallen is. De Tokiekers hebbt ehr gresig utbuht[12]. De Tournee is dorophen afbroken worrn.
An’n 23. Juli 2011 is Winehouse dood in ehr Wahnung in London opfunnen worrn[13].
Diskografie
[ännern | Bornkood ännern]![](http://upload.wikimedia.org/wikipedia/commons/thumb/b/b1/Amy_Winehouse_-_Virgin_Festival_2.jpg/170px-Amy_Winehouse_-_Virgin_Festival_2.jpg)
Alben
[ännern | Bornkood ännern]Johr | Titel | Chartpositschonen[14] | Eerstpublikatschoon | ||||
---|---|---|---|---|---|---|---|
DE | AT | CH | UK | US | |||
2003 | Frank | 12 | 7 | 20 | 13 | 61 | 20. Oktober 2003 |
2006 | Back to Black | 1 | 1 | 1 | 1 | 2 | 27. Oktober 2006 |
Singles
[ännern | Bornkood ännern]Jahr | Titel | Chartpositschonen[14] | Eerstpublikatschoon | ||||
---|---|---|---|---|---|---|---|
DE | AT | CH | UK | US | |||
2003 | Stronger Than Me | — | — | — | 71 | — | 6. Oktober 2003 |
2004 | Take the Box | — | — | — | 57 | — | 12. Januar 2004 |
In My Bed / You Sent Me Flying | — | — | — | 60 | — | 5. April 2004 | |
Pumps / Help Yourself | — | — | — | 65 | — | 23. August 2004 | |
2006 | Rehab | 23 | 19 | 11 | 7 | 9 | 23. Oktober 2006 |
2007 | You Know I’m No Good | 77 | 50 | 7 | 18 | 77 | 5. Januar 2007 |
Back to Black | 8 | 3 | 10 | 25 | — | 30. April 2007 | |
Tears Dry on Their Own | 56 | — | — | 16 | — | 31. Juli 2007 | |
Love Is a Losing Game | — | — | — | 46 | — | 10. Dezember 2007 | |
2008 | Valerie * | 84 | 35 | — | 37 | — | 23. Februar 2008 |
Cupid | — | — | 49 | — | — |
* Faten bloots to’n Rünnerladen vun Amy Winehouse
DVDs
[ännern | Bornkood ännern]- 2007: Back to Black / I Told You I Was Trouble: Live in London mit 45 en minüütige Dokumentatschoon
Literatur
[ännern | Bornkood ännern]- Michael Fuchs-Gamböck un Thorsten Schatz: Amy Winehouse: I'm no good (September 2008) ISBN 978-3-8025-1783-9, Verlag: Egmont Vgs
- Nick Johnstone: Amy, Amy, Amy – Die Amy Winehouse-Story (2008) ISBN 978-3-86543-377-0
Borns
[ännern | Bornkood ännern]- ↑ http://www.bpi.co.uk/certifiedawards/search.aspx
- ↑ FocusOnline: Musikcharts – Amy Winehouse triumphiert
- ↑ „A Quantum of Solace“: Amy Winehouse singt für Bond bi de Frankfurter Allgemeine Zeitung afropen an’n 23. Juli 2011
- ↑ FocusOnline: Amy Winehouse: James-Bond-Song abgesagt
- ↑ Focus Online: Stolze Gewinnerin des Ivor-Novellos-Preises
- ↑ RP Online: Madame Tussauds: Amy Winehouse: Ein Wrack in Wachs, 23. Juli 2008
- ↑ RP-Online: Amy Winehouse: Visum kam zu spät
- ↑ WeltOnline: Amy Winehouse sitzt im Gefängnis
- ↑ Spiegel Online: Amy Winehouse erneut im Drogenentzug
- ↑ WeltOnline: Amy Winehouse macht Drogentherapie
- ↑ Amy Winehouse in Londoner Spezialklinik sueddeutsche.de vun’n 27. Mai 2011
- ↑ http://www.stuttgarter-zeitung.de/inhalt.amy-winehouse-in-belgrad-torkelndes-buendel-auf-der-buehne.b3464300-cebd-4b01-88a6-a9b50c010c62.html
- ↑ Amy Winehouse ist tot op Spiegel online, afropen an’n 23. Juli 2011
- ↑ a b Quellen: DE AT CH UK US
Weblenken
[ännern | Bornkood ännern]- Offizielle Websteed vun Amy Winehouse (engelsch)
- Offizielle Websteed vun Amy Winehouse (hoochdüütsch)
- Amy Winehouse in de Internet Movie Database (engelsch)
- Literatur vun un över Amy Winehouse in’n Katalog vun de Düütschen Natschonalbökeree