Slott Bussy-Rabutin

Dat Slott Bussy-Rabutin steiht in dat franzöösch Département Côte-d’Or, etwa twee Kilometer vun dat Dörp Bussy-le-Grand weg. Dat Bauwark besteiht ut verscheeden Gebäuden: dat Hööftgebäude, en Gesindehuus, en Duuvenhuus un en Kapell ut dat 17. Johrhunnert. Dat vun en groot Park umgeven Slott steiht siet 1862 as Monument historique ünner Denkmalschuul. Sien bekanntst Besitter weer Roger de Bussy-Rabutin.

Slott Bussy-Rabutin vun den Park ut sehn

Baugeschichte un Beschrieven

Slott Bussy-Rabutin entstunn tonächst as befestigt Anlaag, wurr aber mit Anfang vun de Renaissance tonehmend wohnlicher utbaut un gellt dorüm as Renaissanceslott. 1602 keem dat in Besitt vun de Familie Rabutin, de dat 1733 weer verköfft hett. De Toorns stammen vun en borgähnlichen Anlaag ut dat 15. Johrhunnert. De in dat 17. Johrhunnert nee maakt Watergräben weern oorsprünglich mit Toogbrüggen to överqueren. Nah 1520 entstunnen desüdlich Bauflögels nee, de Kegeldaaken wurrn in dat 17. Johrhunnert ergänzt. In dat Eerdgeschoss vun de Flögelbauten billen Arkaden en apen Galerie mit Körfbagen. Tüschen de achteren Toorns befinnd sück dat 1649 fardig wurrn Hööftgebäude.

Dat Binnere vun dat Slott is mit tallriek Porträts vun berühmt historsch Persönlichkeiten smückt, Hööchtpunkt is dat Kabinett in de Tour dorée (gollden Toorn) ut dat 17. Johrhunnert.

In de Salle des Devises sünd de Wanden mit Porträts un Slottansichten dekoreert. Völ Afbillen dragen latiensch Aphorismen, in de Roger de Bussy-Rabutin ironisch up sien Situatschoon Betoog nimmt.

Blick över dat Gordenparterre to den Oort

Wiederhen wurrd dat Slott un en wietlöpig Gordenanlaag umfaat. Up de anner Siet vun dat Daal sütt man dat Dörp Bussy-le-Grand. De Anlaag wurr vun den franzöösch Gordenarchitekten André Le Nôtre in Anlehnung an den Gorden vun Slott Versailles gestalt. En Loofwald un en terrassenförmig gestalt Park umgeven dat Slott. De Butenanlagen umfaaten insgesamt 34 Hektar un sünd siet Anfang vun dat 19. Johrhunnert vun en Müür umgeven.

Galerie

• 
  Ansicht vun Südosten
• 
  Tour dorée (Golden Toor)
• 
  Slaapstuuv
• 
  Salle des devises mit Afbillen vun verscheeden Slötter un en Porträt vun den Roger de Bussy-Rabutin

Literatur

• Patrick Boutevin: Bussy-Rabutin. Éditions Gaud, Moisenay 1992, ISBN 2-84080-001-2.
• Maurice Dumolin: Le Château de Bussy-Rabutin. Hérissey, Evreux 1933.
• L. E. A. Hudson: Le Château de Bussy-Rabutin. Guide historique. Société d’éditions artistiques, Paris 1930.
• Judith Kagan: Das Schloss Bussy-Rabutin. Édition du Patrimoine, Paris 2007, ISSN 1159-1722.
• Émile Montégu: Tableaux de la France. Souvenirs de Bourgogne. Hachette, Paris 1874, S. 199–219.
• Felix Sarcus: Notice historique et descriptive sur le château de Bussy-Rabutin. Tracault, Dijon 1854; books.google.de (PDF; 7,0 MB).

Weblinks

Schloss Bussy-Rabutin. Mehr Biller, Videos oder Audiodateien to’t Thema gifft dat bi Wikimedia Commons.

• Offizielle Website (engelsch, franzöösch)
• Fotos ut de Base Mémoire