Bobbie Heine
Esther Laurie „Bobbie“ Heine Miller (* 4. Dezember 1909 in dat hüüdig Süüdafrika as Esther Heine; † 31. Juli 2016 in Canberra, Australien[1]) weer en süüdafrikaansch Tennisspelerin.
![](http://upload.wikimedia.org/wikipedia/commons/thumb/8/80/Bobbie_Heine_Miller.jpg/220px-Bobbie_Heine_Miller.jpg)
1927 wunn Heine Miller mit hör Landsfru Irene Peacock dat Daamendüppel vun de franzöösch Tennismeesterschapen. Dat Finale hebbt se gegen de beid Britinnen Peggy Saunders un Phoebe Holcroft Watson mit 6:2 un 6:1 wunnen. In dat sülvig Johr hett se mit hör Partnerin dat Finale vun Wimbledon reckt, wo se sück allerdings mit 3:6 un 2:6 den US-Amerikanerinnen Helen Wills Moody un Elizabeth Ryan slahn geven mussen.
Bi de franzöösch Meesterschapen 1929 verlor Heine Miller gemeensam mit hör Partnerin Alida Neave dat Finale mit 5:7 un 3:6 gegen de Spaansche Lili Álvarez un Kornelia Bouman ut den Nedderlannen.[2]
1931 hett se Harry Miller heiraadt, mit de se twee Kinner harr.
1947 wull de Süüdafrikaansche en letzt Mal an de Wimbledon Championships deelnehmen; dat Floogtüüch is aber in Ägypten verunglückt, wobi Heine Miller ehr gesamten Besittstand verlor. Siet 1978 leevt se in dat austraalsch Canberra, wor se 2009 ehrn 100. Gebortsdag fiern kunn.[3]
Weblenken
ännern- Bobbie Heine Miller (tennisforum.com), Engelsch
Enkeld Nahwiesen
ännern- ↑ "Bobbie" Heine Miller
- ↑ http://www.canberratimes.com.au/news/local/news/general/from-princes-to-politicians-ace-tenant-esthers-seen-it-all/474757.aspx?storypage=1, afropen an’ 13. Juli 2010, canberratimes.com.au (engelsch)
- ↑ http://www.smh.com.au/sport/tennis-legend-cracks-a-century-20091204-kb10.html, afropen an’ 7. September 2012, smh.com.au (engelsch)