Tongblaor
![](http://upload.wikimedia.org/wikipedia/commons/thumb/a/a4/FMD_outbreaks_UK_2001.png/220px-FMD_outbreaks_UK_2001.png)
██ Meer as 100 infeksies
██ 50 tot 100 infeksies
██ 10 tot 50 infeksies
██ 1 tot 10 infeksies
Tongblaor (ok wal: mkz [mond-en-klauw-zeer], Latien: Aphtae epizooticae) is een slim besmettelijk virusziekte van evenhoevigen zoas rundvee en zwienen, schaopen, harten en geiten. Aandere dieren en ok mèensen kunnen der wel schaode van ondervinnen maor lopen gien risico. De ziekte is veur dieren slim besmettelijk, vergeliekbaor mit griep bij mèensen. Daorumme gelden der in geval van tongblaor alderlei maotregels. De ziekte kan deur verschillende virussen veroorzaokt wörden.
Bij een infectie mit tongblaor ontstaon blaoren in de bek mit naome op de tong, op de gier en op de poten, mit naome de kroonranden. Dieren bint slim ziek, hebt koorts, eten niet meer, verliezen gewicht en produceren minder melk. 1 tot 2% van de besmette dieren starft, maor bij jonge dieren kan dat percentage veul hoger liggen. Mit goeie verzurging kan een dier der van herstellen maor dat was vrogger financieel interessanter as tegensworig.