Ochtrup
![](http://upload.wikimedia.org/wikipedia/commons/thumb/9/99/Ochtrup_Villa_Winkel.jpg/250px-Ochtrup_Villa_Winkel.jpg)
![](http://upload.wikimedia.org/wikipedia/commons/2/2b/Lage_der_Stadt_Ochtrup_in_Deutschland.png)
Ochtrup is ne kleine stad in et noordwestelike Münsterland in et düütske bundsland Nordrhein-Westfalen. Et ligt up de grense med et andere düütske bundsland Neadersassen en Twente in Neaderland. De stad hevt ungeväär 19.662 inwunners
Uut archeologiske vündste blikt dat de streake rund Ochtrup, Langenhorst en Welbergen al seyd de lätste Ystyd bewoand is. Ouk gevt et ne oldsassiske verwysing når Ochtrup.
De eyrste vermelding is 'Ochtepe' (et Oustelike Epe of Ostepe) in et jår 1143 in ne stiftoorkunde van et klouster Clarholz. As parochy wördt de woansteade vöär et eyrst in 1203 nöömd. In de Frankiske Tyd stünd der al ne doupkarke en vörmden et med de Wester, Ouster en Weiner buurskuppen 'n karspel. In de jåren 1593 en 1594 kreag Ochtrup stadrechten med nen wal, breyden gracht en dree stadtorens. In 1597 kreag Ochtrup marktrechten. Ouk kreag Ochtrup ne Wigboldståtus. Toch hülp de stadwal nit vöäle: in 1595 en 1597 wör Ochtrup döär spaanske truppen brandskatted. Nit blouts den Tachtigjöärigen Oorlog tröäk spoars döär de stad, ouk Bernhard von Galen en den Dartigjöärigen Oorlog tüsken 1618 en 1648 tröffen de woansteade swår. Rund 1820 wörden de stadpoorten afbröäken. Rund de eywwesseling wörden de wallen afgraeven üm der stadgröön vöär terügge te brengen. Vandage herinnert de stråtnamen Noordwal, Oustwal en Westwal noch an de olde tyden. Van de westwal is noch nen waterbear oaver. Lokaal nöömt se den de Stüwwenkop.
Ekonomy
[bewark | bronkode bewarken]Ochtrup was vroger ne textilstad. De olde fabrik van de family Laurenz is rechtevoord inrichted as kouphuus, med verskillende kleyderwinkels.
Vereynigingen
[bewark | bronkode bewarken]Ochtrup kent 'n aktiv vereynigingsleaven. Der sint meyrdere sportvereynigingen en vyvteen skütteryen.
woankernen
[bewark | bronkode bewarken]By Ochtrup wordt verskillende nåberskappen en dörpe reakend.
|
|
|
Et bekyken waerd
[bewark | bronkode bewarken]![](http://upload.wikimedia.org/wikipedia/commons/thumb/d/de/20160327_Alter_Posthof_Welbergen%2C_Welbergen%2C_Ochtrup_%2804431%29.jpg/200px-20160327_Alter_Posthof_Welbergen%2C_Welbergen%2C_Ochtrup_%2804431%29.jpg)
Ochtrup hevt verskillende beseenswaerdigheiden, sou as et olde rådhuus, de Lambertikarke, Villa Winkel, et Spieker in Langenhorst en et waterkasteel Huus Welbergen. Upvallend is et in hollandske renaissance uptröäken Beltman Bau, 'n fabrik dee untwörpen is döär den enskedeesken architekt Gerrit Beltman.