OV-chipkaarte
De OV-chipkaarte is n betaalmiddel woarmet as leu in Nederlaand reizen köant in t OV (Openboar Vervoor). Doaroonder vaalt heufdzakelik treinen, bussen en trams. Op wat plekn is disse kaarte al t ennigste betaalmiddel, mer op de meeste steas kö'j ook nog papierne kaartkes kriegn.
Warkwieze
[bewark | bronkode bewarken]Op n pas zit nen chip, woarop betaalinformasie loadn kan wordn bie spesjale oploadpeunte. A'j met t OV metwilt, mu'j oe vuur de reize anmelden (incheckn) deur den pas vuur n oge op t stasjon, perron of in de busse hoaldn. Det oge les dan den chip en herkent t beginpeunt van oewe reize. A'j op oewe bestemming bint, mu'j den pas wier veur n oge hoaldn, zodat t eandpeunt vastlegd wörd (oetcheckn). t Betaalstelsel bereknt dan hoovölle of dr van oewen pas ofskreevn wordn mut.
In n trein hef n kondukteur n spesjaal apparaat woarmet as hee den pas oetleazn kan, um te kiekn of dr wal anmeldt is vuur de reize. In busn en trams wordt regelmoatig stekpreuwe hooldn um kaartn van reizigers te kontroleern.