Kavort
![](http://upload.wikimedia.org/wikipedia/commons/thumb/f/f0/Envelop.jpg/250px-Envelop.jpg)
n Kavort is t (maisttieds pampieren) hulsel van bieveurbeeld n braif of n wìnskoarde. Op de veurkaande van n kavort schrif of print de ôfzender de noam en t adres, bestoande uut stroatnoam, huusnummer, postkode en ploatsnoam, van de de ontvanger. Tegenswoordeg wordt dit ales voak eerst op n etiket print, wat vervolgens op kavort plakt wordt. Op achterkaande kin de ôfzender zien aigen noam en adres hìnzetten, of postkode en huusnummer. Dit is nait verplicht, môr baidt onder aander t veurduil dat bie bezörgproblemen de braif eventuweel terugzonden worden kin, zunder dat de kavort open worden hoft.
t Heufddoul van n kavort is dat nait elkenaine lezen kin wat der op n braif of op n koarde staait. n Kavort wordt noamelk dichtplakt mit n plakstrip of deur wat spij aan n plakrandje te likken. Doarnoast kin t ook gebuukt worden om meerdere braiven, koarten of bieloages bienkander te holden. Kavorts binnen der ien verschaaidene soorten en moaten. Zoakelke kavorts hebben voak n deurzichteg vakje woardeur man de braif zain kin. Op dat stukkie braif stoan voak de gegevens van de ontvanger, woardeur man nait elke kavort opnèj te beschrieven hoft.
Leegsaksisch
[bewark | bronkode bewarken]- Drèents: kevort (ZWZ)
- Grunnegs: kavort (ook schreven as kavvot of kevvot)
- Tweants: kevak/kefak, breventaske
- Veluws: koevart, brevetasse
![]() |
Schreven in t Veenkelonioals |