Infermatika

Infermatika wodt omschreven as de wetenschop die him bezighoolt mit de beheersing van komplexiteit (onder aandere op et vlak van infermaosie en gegevens, kommunikaosie, pergrammetuurbouw, en technisch-wetenschoppelik rekenen). Mit de term komplexiteit wodt de meer algemiene betekenisse en niet de komplexiteitstheorie bedoeld. Infermatika is ok de takke van techniek die him bezighoolt mit et programmeren van komputers.

Komputerwetenschop is een aander woord dat ok wel bruukt wodt veur de term infermatika, dit mag niet verward wodden mit et eigenlike bouwen van komputers.

Iene die him bezighoolt mit infermatika wodt een infermatikus of komputerwetenschopper nuumd.

Vier aspekten van infermatika

Graaf: an de basis van Babbage, et haandelsreizigersperbleem en internet

Op een aandere meniere vaalt de infermatika op te dielen in vier aspekten, ok wel de 4 T's nuumd:

• Technieken/methodes (bi'jgelieks: rekursie, op-daeleontwarp, simuleerde ofkoeling, polymorfisch programmeren...)
• Taelen (bi'jgelieks: C++, Java, Petrinet, UML...),
• Theorieën (bv. formele taelen-theorie, grafentheorie, waachttritsetheorie...),
• Tools (gereedschoppen as kompilators, databaankbeheersystemen, besturingssystemen...)

Citaot

• Infermatika gaot evenzovule over komputers as steernskunde over teleskopen gaot.

(Edsger Dijkstra)

Commons: Infermatika - plaatjes, filmkes en/of gelüüdsbestanden.