Synkoop (muziek)
Nen Synkoop in de muziek heuld in det ene of meardere toonn nit op n verwochten tel of "in de moate" vaalt, woerduur't ene of meardere akseantn verlegnd wordt. n Synkoop wörd gebroekt um t akseant op ne onverwochtse plaatse te legn. Meestal is dit de plaatse kort vuur of kort noa t verwochte telakseant.
![](http://upload.wikimedia.org/wikipedia/commons/thumb/0/04/Syncopation_example.png/220px-Syncopation_example.png)
In ne veerkwartsmoate, bievuurbeeld, zeent normaalgesprökn n eerstn en n doardn tel de zwoare teln, en n tweedn en n veerdn tel de lechtn. As dus juust n tweedn en n veerdn tel benoadrukt wordt, in plaatse van n eerstn en n doardn, is det ne synkoop.
Ook duur ne achtste of ne zesteende te gebroekn wörd t moatgeveul verlegnd. As dit ne lange tied gebuurt, zo as bievuurbeeld in Marsmuziek of reggae en ska vake t geval is, neumt ze det noapikn. Doarnöast keump t wal es vuur at dr op de plaatse van woer'j ne note zoln verwochen, ne röste ezat is. Dit neumt ze ook wal ne 'zwoare röste'.
Duur synkopasie te gebroekn wörd t ritmiese geveul van de muziek verstoarkt. t Keump in zowat alle muziekstieln vuur, en is in wat stieln, zo as salsa, merengue, jazz, funk, reggae en ska bepoalend en onmisboar vuur t kenmoarkende muzikale geveul.