Emmelkaump

Wappen	Kaort
Basisgegevens
Bundsland:	Neddersassen
Landkreis:	Grafschaft Bentheim
Heugte:	14 meter over Normalnull
Flach:	48,55 km²
Ienwoaner:	6788 inw. (per 30-06-2005)
Bevölkerungsdichte:	140 inw./km²
Nummerscheild kenteken:	NOH
Politiek
Samtgemeen:	Emmelkamp
Börgermeester:	Heinrich Strenge (SPD)
Website en e-mail
Website:	www.emlichheim.de

Emmelkaump (ok: Emmelka(a)mp, Duuts: Emlichheim) is een gemeende ien 'n Landkreis Graofschup Beintem ien Neddersassen, Duutschlaund.

Geografie

Emmelkaump ligt direkt an de Duuts-Nederlaundsche greinze. De gemeende wödt ien 't zuden van de Vechte en ien 't norden van 't Koevern-Piccardie-Knaol ingreinsd. De gemeende is verwaltungssitz van de Samtgemeende Emmelkaump, waor de gemeenden Emmelkaump, Haogstede, Laor en Ringe bie heurt. Over de lesten jaoren is det dorp sterk anwassen, ok umdet d'r veul Nederlaunders heintrökken bint. Ien 2004 hadden 11,5% van de ienwoaners de Nederlaundsche nationaliteet. Ien 't dörp Emmelkaump gaot ok 'ne masse Nederlaunders over de greinze hein ienkoapen. Ien de gemeende bint oender ander daorum ok meerere supermerkte.

Historie

Reformierte kerke oet 1150

Nei oordsschild oet 2009

Emmelkaump heurde bis 31. detsember 2004 bie 'n Regierungsbezirk Weser-Ems, dein bie de vewaltungsreform met ofloop van dit datum upleusd weud.

Politiek

Gemeenderaod

Dein actuellen gemeenderaod:

• CDU - 7 sitze
• SPD - 3 sitze
• FDP - 2 sitze
• gbf. - 7 sitze

Partnergemeenden

• Gällemuun (Nederlaund) seind ca. 1975
• Grabów nad Prosną (Polen) seind 2006

Weertschap

Ien Emmelkaump zit de Firma Emsland-Stärke. Ze is de greutsten stärkproduzent ien Europa. 1.000.000 t erpel wödt hier verarbeid en oet 'n oemkreis van um de 150 km um Emmelkaump anleverd. Daormet is de Emsland-Stärke nich bloos dein greutsten arbeidgever ien Emmelkaump, men ok 'nen wichtigen existenzfactor veur de hele region.

Enen andern wirtschaftlichen factor ien de samtgemeende Emmelkaump is de kunststofverarbeidende industrie, waorbie firmen äs Synco, BekuPlast ien Ringe en Ringoplast ien Ringe-Neugnadenfeld to neumen bint.

Scholen

Emmelkaump hef ene grund-, ene haupt- un ene realschool, een gymnasium veur de sekundarbereich 1, en ene förderschole. De weiterführenden scholen, det is vanof 11. klasse ien Neenhoes (Lise-Meitner-Gymnasium) of ien de kraisstad Nothoorn.

Dissen artikel is ien Graofschupper Platt schreven en ien de Drèentse spelling zet.